韓風大熱！軟雪糕配棉花糖雪糕靚過蜂巢好好好多！

蔡瀾在十月某期壹周刊的「未能食素」提到韓食時代指, 「所謂蜂巢雪糕, 不過是軟雪糕上加了一小塊蜂巢」, 絕對一矢中的, 蜂巢雪糕我興趣不大大.

不過, 我卻被棉花糖軟雪糕的賣相所吸引, 一嚿大大的雲, 變成了雪杯的高帽, 非常震撼, 絕對想試. 上星期就走到登打士街 HONEY GRANNY的分店試食.

這間韓店HONEY GRANNY很紅, 旺角, 紅磡, 及九龍城都有分店, 店前的棉花糖宣傳相, 有藍色, 紫色, 粉紅色, 橙色, 我問店員不同顏色的味道如何呢? 他非常有禮貌的回答:「本來係有分唔同味道嘅…, 不過老實講, 唔係好分到… (吓?? 咁都得)」於是由阿囝點出藍色的棉花糖口味.

女店員很細心的說:「小朋友, 需要等一等架喎, 整好我就叫你, 好唔好!!」之後她就在店前開始製作藍色棉花糖.

大約3分鐘左右, 棉花糖完成後, 女店員一放上盛載軟雪糕的杯頂, 我們的靚靚棉花糖軟雪糕就正式登場了.

不得不大讚創作的廚師, 因為我們站在店外進食, 短短數分鐘, 就吸引了三對小情侶, 停步, 研究, 商討, 轉身入店排隊購買棉花糖軟雪糕喎.

店員說得非常正確, 棉花糖是只甜味, 沒有任何味道可言, 而傳聞HONEY GRANNY的軟雪糕是用新西蘭加配韓國牛奶特制而成, 但我只覺得較麥當香的軟雪糕濃味一點, 但質感其實麻麻, 可能另一款奶茶味會好一點吧!!

除了雪糕之外, 我們還點了一杯青檸鮮蜜茶, 青檸配蜜糖水, 酸酸甜甜的感覺, 如果食完雪糕, 飲杯熱戀應該會更好.

不過, 今期韓風大熱, HONEY GRANNY、 HONEY SPARKLING DESSERT HOUSE、 SOFT CREME、 HONEY CREME, 總要隨便吃一間來湊湊熱鬧.

要不然人家怎能一個月大賺50萬呢?