做生意，最緊要的不是找生意、找資金、管營運、做宣傳……而是，管理好你的partner──如果你有的話。當然，獨資生意另計。

為什麼？因為，先安內後攘外。內部管理人理念不一致，政策和行事常常朝令夕改、爆獲、發脾氣，身邊跟你工作的人，無論是其他股東、同事、供應商、合作伙伴、甚至乎客人等等，都只會感到無比的痛苦、失望、沮喪……「唔係呀嘛，又搵我做磨心，點頂呀？！」口無講，心都會諗。

一間新興的市場推廣公司，自設研發部，造3D投影機，亦幫客人做design、graphics同 production，價錢中高端，做B2B展覽會客。三位股東，A、B兩位同意，只有C完全否定此計劃，話唔應該做展覽會客，要做B2B的話應該做酒吧，同做wedding散客。A、B認為展覽會客為了吸引買家到展位，必定要搞心思，有需求，budget亦較大，所以3D投影機先有得做；而本地酒吧同wedding客的需求，根本唔大，很難做推廣，而且account servicing的氣力不少。

結果，A、B點都勸唔到C，公司決定改做中低端market，劈價搶市場，已簽落的展覽會客繼續做，之後就唔再續約，全力開拓酒吧同wedding市場。過程中，由於理念分歧，加上處事方式不同，磨擦漸深。

最終，一年後，公司關門，A、B與C各自分道揚鑣，再見不是朋友。

管理好partner，無論是營運方針、個人情緒、處事手法和工作理念，都必須要互相了解、認同和支持，如果做不到，早點拆夥，可能會更好！

林峰這首歌可解釋吧：「放手，放開所有，彼此更自由」。