無敵大鐵人 17 試玩報告

一件心愛既玩具，如果能夠有機會睇到佢研發既過程真係好開心，若果能夠參與埋表達吓意見，就更加係興奮莫明。

今日大鐵人17號既初模卒之有得玩，話到明係初模，當然距離完成品仲有段距離，仍有改善既空間。設計師都再三強調係初模，仍有好多地方會繼續修改，唔緊要，有既係時間，距離派貨仲有半年，慢慢改，改到靚為止。

合金方面，從初模所見，主要集中於胸部，盤骨，雙小腿和大腳掌，和18一樣，仍是採取穩重為優先考慮，可能由於17可以變身，故大腿膝關節係合金，點變都唔會爛。而雙腳掌亦可自由開合，到時啲偵察機鑽地車可以放晒入去。

雙手可動性方面，從肩到手肘共有4處可動位，故雙手可作前後，左右，轉動等動作，而手指則應該不能作細微郁動，未知日後會否多送幾款手掌拳頭作更換用？

從小腌位所見，已預留位置收起拳頭變成飛行要塞，但因這只是初模，究竟係換件？還是活門式設計？該位置如何變身仍有待下一版再作交代。

預告17號可以雙眼著燈和打開復部發射原子能死光，初模未有安裝LED和線路，亦未裝上活門，但看到背後有疑似預留作開關按鈕和安裝電磁的位置，期待下一個版見到這部份。

今次同時附送南三郎專用機，鑽地車和偵察機等三架小東西，雖然細細架，但真係唔好睇小佢地，相信首輪進度來講，佢地既完成度係最高既，除咗未上色之外，outline已做好晒，而且好精細，專用機直升機翼可以轉動，鑽地車身可以左右擺動，偵察機翼亦可以摺起，相信上埋色之後，呢三架嘢都會成為綠葉。