日前舉行既2015賽季巴西里約州錦標賽，華斯高主場對法林明高既比賽當中，出現十分驚人既一幕。法林明高球員Jonas係面對一個高空波既時候，猶如打功夫一樣將腳舉高幾乎過頭，結果波就踢唔到，就正面踢中左同佢爭呢球波既華斯高球員Gilbert塊面。Gilbert當場掩面痛苦倒地，不過奇就奇在企得好近既球證即時就只係出示黃牌，不論華斯高既球員點投訴都無用，唔通真係收左錢？
▼法林明高球員Jonas踢中華斯高球員Gilbert塊面
雖然Jonas當場只係被罰左場黃牌，但已經被球評同球迷將佢標簽為殺人凶手，因為無情力真係可大可少。前幾年英超曼聯Evans凌空踢中車路士既Drogba胸口，就令到Drogba既肋骨斷裂，如果踢中塊面真係隨時有生命危險。
▼當年曼聯既Evans凌空踢中車路士既Drogba
