一直有傳曼聯將會係今夏轉會期以天價收購皇馬既威爾斯翼鋒G.Bale，不過而家可以暫時將呢個傳聞拋諸腦後先。因為前皇馬體育總監，現皇馬預備隊領隊施丹就出聲表明，皇馬無任何理由賣走Bale咁話。

施丹係受訪既時候就話:「皇馬會收購全世界最好既球員，而唔會賣左佢。當然其他球會對Bale有興趣係好正常，因為佢能夠改善整支球隊既成績。不過皇馬會長已經表明Bale係非賣品，所以其他球隊都可以放棄收購計劃。雖然佢近期表現回落，但我相信Bale一定可以重拾最佳狀態。」

Bale去年曾經協助皇馬贏得歐聯冠軍，不過近期低落既表現，令到球迷十分不滿，所以傳出今夏會離隊既傳聞。2013年曼聯曾經與皇馬同樣以1億英磅向熱刺收購Bale，不過最後Bale選擇轉投皇馬旗下。