【魏空少】機場快綫半價 ！！！

大割引！半價坐機場快綫 ！！！

機場快綫一直俾大家既感覺係咩呢？
魏空少就覺得機場快綫好快、好方便、好準時喇，不過就貴左少少咁囉！

但原來機場快綫一直都靜靜雞做緊個Promotion，就連MTR都冇咩賣廣告既OFFER。
就係『半價轉乘機場快綫優惠』喇！

咁優惠係D咩？
大家只要係2015年6月30日或以前，乘的士往九龍站或青衣站轉乘機場快綫往機場，憑港幣60元或以上之當日的士收據及使用八達通就可享機場快綫半價優惠。
而每張的士收據，仲可以俾最多五位乘客同時享用半價優惠！都咪話唔吸引呀！！！

魏空少上個月都試過呢個優惠！獲取優惠既過程好簡單！
首先叫的士司機印返張收據：

之後拎埋八達通去九龍站或青衣站既票務處，港鐵職員就會係張收據上面蓋印同係嘟一嘟你張八達通。

咁你入閘既時候，就會自動收你半價喇！！
半價左之後九龍站往機場HKD$45，青衣站往機場HKD$30。
如果有得幾個人一齊SHARE返的士錢，計落隨時同坐機場巴士差唔多呀！！

係九龍站仲設有各主要航空公司之市區預辦登機服務，IN-TOWN Check-In除左可以避開機場既Check-In人龍，早人一步Check-In仲可能提高自己俾航空公司UPGRADE既機會！

而且用埋港鐵“NEXT TRAIN” APP，實時列車服務資訊會提供最多四班即將到站列車的抵達時間。入機場既時間就更易控制，讓你的每一段旅程更輕鬆喇！XD

覺得實用？哈！咁就要快D分享〔魏空少〕俾你既朋友仔喇！
即刻追蹤〔魏空少〕，發掘更多實用旅遊資訊！