今個星期日英超又有一場大戰，就係曼市雙雄既打吡大戰，曼聯係奧脫福主場迎戰同市宿敵曼城，為爭前三名直接出線下屆歐聯分組賽，肯定有一番龍爭虎鬥。

▼曼聯主場迎戰曼城 香港時間星期日晚11點

雖然曼城近三次作客奧脫福都取得最後勝利，上季大勝3球，大前季作客更大數曼聯6:1，相信各曼聯球迷都仍然記憶猶新。不過今次比賽勢必有所改變，因為曼城近況不佳，作客更係連輸4場，連水晶宮甚至般尼都能夠係主場擊敗曼城，更何況係漸入佳景既曼聯呢？

自從領隊雲高爾將馬達同靴里拉調任正選，和主將卡域克復出之後，曼聯既攻守變得平衡，近3場都打出漂亮既小組進攻，相信雲高爾終於搵到曼聯既勝利方程式。加上今季曼聯係英超當中主場得分最多既球隊，16場主場取得13勝1和2負既佳績，豪奪40分。編者絕對相信曼聯今仗有力打破近四次打吡全敗既劣績，為爭前3奪取先機。