【親子做星星】舊衫變公仔 ~ 手腳慢得滯 @ LG工作坊

今日，我們一家三口參加「舊衫變公仔」親子班，三個人分別找來三件準備當地布的舊衫出發去…(當然變公仔總好過變地布啦！！)

其實，這是PR姐姐邀請的LG洗衣機宣傳活動，不過我都不是太明白「舊衫變公仔」跟洗衣機有何直接關係，總知有得玩就不再深究吧

有緣千里能相遇，今日的老師，竟然就是3年前教SY繪畫的Mon姐姐，阿太好高興立即大叫，不過卻換來SY冷淡回答:「邊個Mon姐姐呀？」(我覺得有人在扮失憶喎， 嘴角微微在偷笑中嘅…

工作坊開始…原來一家人只可以造一隻公仔咋！！ (車…等我還強迫阿太帶來跟隨她30年爛地布公仔嚟改造添)

SY說:「我想做一個星星公仔」(咁你畫係米奇老鼠衫度啦…) SY即時把米奇褶好:「不如用媽媽件紅衫啦，我唔捨得剪爛米奇呀！」

小朋友好鍾意玩鉸剪， 指定要自己將星星剪出來， 但轉角位又怕剪爛， 終於又要出動Mon姐姐幫手….(E一刻佢又記得返人喇！！)

星星成功剪出來，之後就輪到最最最艱辛的任務….穿針…(請看圖左阿太正努力…但她不停大叫…咁細個窿， 條線又粗…好難呀)

當然，我們十年都不會穿針穿線，一向阿太也是將縫紉工作交托外母大人，所以她與針線搏鬥了4分鐘後，還是出動終極武器…Mon姐姐

阿太開始縫製啦！！ 小朋友無聊得就在旁邊玩棉花，而我當然就在旁邊不停影相啦…

縫線又是一大問題，因為我見人人也開始塞棉花，但阿太還只是縫了兩隻角…阿太:「哎呀！！早知做個三角形公仔仲好…粒星咁多角，好難縫呀！！」(係咩？？我見隔離位媽媽，幫個女造咗棵聖誕樹都塞緊棉花啦！！)

結果，怎樣收科呢？？？好簡單，就由老仁出馬接力，縫公仔我真的沒有經驗，不過可能之前也有去工聯會學過造皮，穿穿縫縫勉強都可以啦.

之後，就輪到SY最愛的一個環節~塞棉花，一邊塞，有人不停叫:「塞多啲， 塞多啲」不過你也要平均塞入五隻角呀！！否則個星星肚就欣宜，五隻角就Sammi喎

最後收針…唔好意思，因為當時人人都已經大功告成，我們包尾一家唯有請槍，Mon姐姐麻煩晒

最後回復記憶的小朋友終於肯主動與Mon姐姐主動合照！！(我問Mon姐姐:「今日唔駛返去教小朋友呢？」，阿太大聲反駁:「Mon姐姐係老細嚟架，好多人幫佢手架麻…」係咩？？真係失禮晒)

另外，今日我們一家又同另一位姐姐合照，她是DBC的主持人泇泇，我問:「係咪家庭個家，定係嘉頓個嘉？」泇泇解釋完，我也一頭冒水，終於她禮貌遞上卡片…(嘩！！今日又學識一個新生字)

最後小朋友大合照啦！！ 

「新屎坑」的SY沿途捉緊自已的星星， 又說好靚， 好鍾意…不過， 一回到家， 有電視有玩具， 結果一星期眼尾也沒有再望過星星一眼…(唉！！可憐小星星又被打入冷宮堆)