玩具迷團 ＠ 旺角岩手拉麵

今日同朋友係旺角睇完玩具之後就去左呢間岩手拉麵到食晚飯！

一入呢間拉麵店就有我地既合金魂三寶做招來！突然令我想起有位阿叔因為鐘意食水果，所以有把刀仔係身!! 而呢位拉麵師父因為鐘意玩合金同煮拉麵，所以將合金放係店裡頭，一路煮就一路玩，最欣賞師父是他不怕合金會因煮而帶有油煙，反而經常清理！這樣才是真正的玩 玩具！

我地同師父一路食就一路吹當年合金玩具，真係冇邊間拉麵店有咁既服務！一個人去同班玩具迷去同樣開心！！因為有拉麵師父阿 Chris 做主場！！

雖然合金數量不是太多，有金毛，大帝，六神等等，而後少少有些舊版星矢合金，可以話中晒我地杯茶！

最後就係呢碗龍蝦拉麵！可以同你講好好味！！因為近期佔中，好多食市都受影響，所以係度同你地推介吓呢間 "旺角岩手拉麵"，地址旺角砵蘭街139號地下（近登打士街）