【世外桃園】荔枝角的隱世天堂

同事:「荔枝角工廠區都可以輕輕鬆逛半日」 (吓！！唔係化？？)，在亳無期望下，原來這個「零」大型連鎖店的商場，真的好好行

這個已經開業年半的D2 place，我在地鐵站問職員位置，她答:「哦！D2 place，就係D2出口囉！！」(真係驚喜喎，個名都改得咁正)

可能還不是太多人知道...工廈活化出來的這個地方，所以，今日人流不太多，而且我更發現D2 place有兩大我最最最愛的賣點…

如果你有時間，可以帶外賣，走到D2 place天台(11樓)，超正超大的空中花園，任坐任Hea任玩，簡直世外桃園一樣，最重點是花園絶對對外開放給香港人，正瀑！！(包保一定無拖篋黨出沒)

另一個賣點，就是三樓的「飄書角」，免申請，免預約，重點是「免費」，你隨時可以拿走書架上任何一本書，睇完有時間才還回D2 place

我覺得最完美，當然是揀到心水書，便走上天台花園慢慢嘆！！荔枝角的隱世天堂誠意向你推推推！！

當我嘆完空花園的清新空氣後，便走到2樓創作天地…這裡一連五天(18日-22日)，正正在舉行一個日本祭的活動

當我一步入大堂，現場有位美少女正大唱日文歌，我最初還以為播CD，原來是她正唱現場(激死我！！我以為佢會唱好耐，所以去咗畫畫，結果返轉頭佢就走咗…哎呀！！我本來想同佢傾吓計架…)

同場還有Art-Jam可以即場報名即場玩，哈！！哈！！我今日沒有報名，「搗亂仁」只是請Amy將她的不滿意作品，給我亂畫一通，我估不到Amy又肯喎…

原來Amy與朋友有畫廊工作室，今次只是過來D2擺檔五天當宣傳。除了畫畫還有馬塞克玩

Amy好溫柔說:「你有時間都可以同你囝囝嚟玩吖，因為我哋最大年紀嘅學員有90歲，最細就3歲…」(好呀…不過點解Amy要同我講90歲都去學呢？？...唔通我個樣…真係老得咁緊要？？)

愛畫室 Aura Art 

轉個位置，竟然又有人在示範用布及絲帶，手造日本傳統藝妓頭飾。這正正是當年阿太去京都分藝妓時插在頭上的一模一樣喎

導師Mao:「我係上網自學架咋，因為我造開西式結婚用嘅頭飾，日本祭咪要配合一下囉」(點解手作人可以咁勁？？就咁睇下Youtube就學識，畀我真係老師捉住我隻手教都未必識呀！)

Shirley本來主力從事手作布袋，頭飾，電話繩，「本來兼職做吓手作當興趣，做咗差不多十年，不過2年前辭咗職，所以就轉營入日本貨，韓國貨」

因為代購生意很忙，Shirley已經沒有時間再造手作，她也表示有少少可惜，但沒有辦法，因為客人9成也以代購為主，當然就是「搵食」為大前題吧！！

由韓國入貨的玻璃菇菇是Shirley近期最愛的貨品，「我覺得好得意，細細個，裝下髮夾都幾好，不過有客人就嫌細個得滯」(我都覺得靚，真係如果再大個啲就更加正)

樂園雜貨舖

今日竟然撞到我曾經傾過計的「環保變色Tee」檔主，不過，今次阿樵不在，只有Helen打守大本營

原來他們已經發展到於灣仔碼頭開了自己的專門店，嘩！！愈來愈成功，真的恭喜他們

其實，灣仔碼頭搬了到旁邊新位置後，我也沒有去過，看來真的要搵天去行行，順便探探阿樵的專門店

Timing_IG

另外，二樓另一邊更有一個「香港手作」的舖位，專為本地手作人作寄賣的地方

Martin介紹他們最熱賣的手作品，「由台灣入材料，又勁鍾意台灣文化的貓手工皂…」(真係成隻貓手掌咁架喎，幾攪笑！！)

由新鮮橙，新鮮辣椒加工做成的頸鏈，「本來仲有檸檬架，不過賣咗…(吓？？乜得一件咁少？)…係呀…創作嘅Mandy話一個檸檬都只可以做到1-2塊，所以賣一個就要等佢補貨」

而最吸引我就是扮當年菲林的相片架，因為我當年真的有儲菲林筒，還不同牌子，不同顏色，儲了近50個…可惜，後來搬屋又全部不見了

當年覺得自己頗犀利，因為影響到隔離同學也一齊儲菲林筒。不知「他」還有沒有繼續收藏呢?(唔好意思…其實我連「他」叫咩名都唔記得咗，可想而知幾耐世紀的事情啦)

香港手作

D2 place真的正到不得了，逛得舒服，檔位及店舖夠獨特，而且最重要無Uniqlo，Nike，Adidas，周大福，IT，Starbucks…其實，香港有一個海港城都嫌多啦！！