【撥著大霧】默默地在食我杯雪糕 熱茶X雪糕

1月中， 尖沙咀分店已經開始賣一款超好呃Like的雪糕，身為行街精的我也遲了2個月才發現， 真的有點羞愧。

店員伊莉非常好人， 首先為我們奉上每人一杯玫瑰花茶，及伯爵茶，之後就問:「雪糕你想要咩味呢？」

怕蝕底的我即時問:「有冇兩溝架？」伊莉笑笑口:「有呀！今日特別多人試Mix呀！ (咁平時呢？？) 多數人要伯爵茶，女仔就會揀玫瑰花茶」

(一杯可以滿足兩個願望，就算唔好食都係一半啫，梗係兩溝啦！！)

絶對抵到不得了，每杯還可以揀多一款企鵝曲奇餅來伴雪糕，今次我揀了雜錦。

緊張時刻來了…伊莉為我們端上混合雪糕，並說:「你準備好拍片或連環快拍未？」我點頭….

當伊莉一將熱茶注入盛了乾冰的企鵝杯內， Yeah！！出煙啦！！

忽然好似置身仙境一樣，騰雲駕霧，煙雨淒迷…好正呀！！

記得兩個月，我食過Lab Made的火山爆發甜品，當日$88的蛋糕，好玩，及震撼程度竟然不及今次。

伯爵茶味道較真實，玫瑰花茶味有點味精，感覺似整容後的女星，假假地。

聞說IMAG用了北海道3.6牛奶，不過我覺得太淡，冰感強烈，個人還是愛奶味重一點的雪糕，不過伊莉解釋:「因為多數年青人都鍾意奶味輕啲嘅口味…」 (吓？？即係我老， 定我應該轉口味扮年輕呢？？)

「孤寒」的我本來想將剩餘的雪糕，一口氣倒入口，不過食卡樂B唔好問幾點的原理，我忘記了企鵝杯內，載有溶化了的乾冰，卒之成條褲濕透，還要給阿太笑:「你唔係老到失憶呀？？連阿囝都知有水啦…你仲倒轉隻杯」(可能頭先鬼掩眼呀！！)

沒想過零食店也有一雪糕Café，自成一角，環境又不錯，我一定要讚讚這裡的店員，又有禮貌，有問必答。