小小分享，手快有手慢冇，近日在網上賣來一件極品，以兩牛多少少既價錢購入，網友對佢屬咩版本眾說紛紜，有啲話係台版，有啲話係翻版，咩版對我來講唔重要，因為呢件只會成為我既收藏品。





掉盒之心已百煉成鋼，但對住呢盒外盒殘破，貼滿膠紙既中古品，點都掉唔落手，影完相乖乖包好，妥當地放回士多房內存放。

台版大帝我都有，對比下呢盒絕對唔係同類產品，在網上翻查，呢盒印住GODAIKIN既古物，據說係1980年一批獲授權既美版合金，內容和日版POPY相若，當然，價值不能和POPY相提並論，但亦不要睇少佢。









在網上翻查時亦都增長知識，原來呢條GODARKIN系列，當年都好活躍，產量豐富，當中亦不乏好嘢，順手都找來一些網圖和大家分享吓。