【米芝蓮話好...】用飲管啜嘅小籠包??

我和SY最愛吃小籠包， 灌湯餃， 正正因為網上發現超巨大~大籠包的相片， 二話不說， 即晚約同老友齊齊闖銅鑼灣「南翔饅頭店」食大包。

這店擁有104年歷史， 不過座落於銅鑼灣廣場總覺得格格不入， 而且門面格局似不是主力招呼我們香港人， 不過， 無所謂， 東西好食就是王道.

早知不用預先訂枱， 我還以為是門外會大排長龍， 因為好好醜醜這也是米芝蓮推介.(不過我忘記了今時今日， 韓風才會捲來人浪， 這裡坐足九成客己算不錯啦.)

今日我們重點必食孖寶: 超大大籠包， 及「拎包酥」， 所以一眾四季豆， 上海粗炒， 四川擔擔麵，， 及咸肉菜豆炒飯就輪為配角。

好不好食呢？ 我只可以說合格， 但很易找到更多地方好食過這裡。

炒飯的咸肉應該很合適小BB食， 因為不用剪也很細粒， 不過同枱的兩位當日的BB今日已長大成人了， 所以對我們毫無用處。

其實， 我很少會「彈」食物的， 所以經常被網友評為「鱔稿」， 所以， 我唯由慣徹我的性格讚讚吧！！ 四大配角中， 乾煸四季豆算是最易入口， 豬肉粒配微微辣味炒成， 可以有夾多三條的衝動。

招牌小籠包， 皮不厚亦不算薄， 蕩鞦韆測試合格， 湯水沒有溢出， 肉餡份量剛好， 不過我吃的湯汁不較多， 而且肉有少少渣….， 不過因為我家附近， 就有「正宗上海生煎皇」…所以對不起， 還是食開有感情.

終於我期待已久的超巨大~大籠包登登登凳！！ 差不多一個傳統月餅的大小， 6個一齊很有氣勢！！

一人一隻，一定要來一張大合照吧！！ CHEERS！！ (作狀咋！！ 因為裡頭真係出晒煙， 熱辣辣架…)

好攪笑！！ 正如一杯熱咖啡， 但給你飲管， 不過又會有一紅色提示指「小心燙口」.

我第一時間想起小朋友時插了一支飲管渴湯， 家母即時大罵:「邊有人咁飲湯架， 辣死你呀！！」

「蟹黃灌湯包」的湯夠充足， 味道正正就如同茶樓的灌湯餃一樣， 當飲了七七八八後， 當然要嘗試打開吃餡料吧！！....誰知， 包內空空如也？？ 真係只有湯及少量蟹黃， 絶對童叟無欺喎。

我問問女店員是否正常 ？ 她正經的回答:「係呀！ 灌湯包麻點會有餡呢？ 」 (唔係喎灌湯餃都有肉啦， 而且點解個皮咁鬼厚？) 女店員繼:「個皮唔食架， 一般都只係飲咗個湯就算架啦」

外皮真的比我塊臉皮更厚， 絶對是不易食用.（造薄啲唔得咩？外皮同小籠包都係一樣咁搓啫！！）

手袋拎包酥：我終於等到整晚最認真的甜品拎包酥出場， 其實， 這三棵棗配蛋黃的甜品， 絶對是今晚唯一衷心愛吃的食物啦！！

其實賣相都夠吸引， 真的如同一個小手袋喎， 創作的人可能剛剛去米蘭站放售完手袋有感而發吧！！

今晚很期待的卻只吃得平凡的一餐，  連累了好友也浪費了一次肚皮. 下次還是靠我背後的女人出馬， 安全一點. 因為她是覓食專家. (上年個米芝蓮大使， 可能餓得滯先嚟試食都未定啦！！)