香港地鐵 2024 年完工的「鐵路願景」

科技

2015-03-06 |

2547

「未來為你的旅途　費盡心思去服務」

呢首歌，大家成日喺車站會聽到，咁未來嘅旅程，又會係點樣呢 ?

各項設備「設計壽命」將至

2011 年，兩鐵合併的工作終於喺 4 年後完成，各行車綫嘅常規程序等逐漸劃一，係時候計劃日後港鐵的發展；市區綫車站喺 ~1999 年起曾全面翻新，原屬於九廣鐵路一部分的東鐵綫，快將電氣化 30 年之久，車站內的設施（例如通車沿用至今的閘機）好快會變得不合時宜。

同時，就英國本土標準來說，車廂嘅設計壽命係 40 年，喺 2011 年當時已有 32 歲。再者，6 條行車綫，包括觀塘綫、荃灣綫、港島綫、東鐵綫、機場快綫同東涌綫，現有嘅訊號系統於 96 – 98 年安裝；另有 3 條行車綫，即西鐵綫、馬鞍山綫同迪士尼綫則分別喺 02 – 05 年通車。

市區綫訊號系統的設計壽命，於 2014 年屆滿機場快綫、東涌綫訊號系統的設計壽命，於 2014 年屆滿東鐵綫訊號系統的設計壽命，於 2016 年屆滿八達通有需要於未來 5 年推出「第二代」產品票務系統需陸續更新機場鐵路車站於 2018 年需要再次更新設施市區綫車站於 2019 年需要再次更新設施市區綫隨地鐵通車引入的車廂，需於 2019 退役東鐵綫的車廂部分於 2012 年已屆使用年限機場鐵路通車時間購入的車廂，需於 2018 年開始翻新西鐵綫、馬鞍山綫車廂需於 2023 年前翻新

原來，港鐵不同部分「老化」的計時炸彈，最遲會於 2020 年前全部「爆破」

於是車務工程部就提出「鐵路願景」（Railway Vision）計劃，將三大鐵路範疇、設備，即車站、列車、票務系統更新之餘，仲期望可將服務提升至另一個層次，迎合下一個 20 年的需要。例如大家有無稔過售票機可以找番紙幣 ? 網上買完飛又可以直接搭車去機場呢 ? 又或者列車嘅牆壁可以同電視融合呢 ?

「鐵路願景」計劃陸續進行

顧問公司「天馬行空」的概念

稱為「願景」的原因，乃第一步會聘請顧問公司，以天馬行空的方式，提出不同構想、概念，引導計劃的方向，同刺激工程師嘅創意。接落嚟就係決定顧問提議（Initiatives）的可行程度，再安排於 2013 年開始設計，最遲於 2024 年，即係依家嘅 10 年後全面落實。

呢個序章喺依家已經寫下，乘客好快會見到每一程車，都融入咗「鐵路願景」的元素。因為佢地已經帶咗入新車站，例如港島綫西延部分，即堅尼地城、香港大學站、西營盤站的閘機頂部有大型燈號，顯示機器接受咗邊位乘客入閘，避免兩個方向的乘客「相撞」；票務機就提供「一站式」服務，綜合了售票、增值的功能，若機器認為乘客的交易有不正常的地方，例如在增值期間，由於新機不會再卡收取乘客的八達通，若乘客過早取回智能卡，機器會發出《退款憑證》，以解決票務問題。

願景車站的設施

旺角、九龍塘站，成「鐵路願景」的先導車站

其實，現有車站的新款客務中心、月台上的乘客資訊顯示屏，都係「鐵路願景」的成品之一。近月金鐘站新安裝的大型指示牌，就為日後香港人口老化而設，其半透明的設計，可以於出口、樓梯、升降機停用時，將圖示熄滅，顯示牌不會再顯示任何內容，避免誤導乘客。

至於旺角、九龍塘站，則會逐漸變身成「鐵路願景」的先導車站，牆身會改用玻璃面板，取代日漸老化的紙皮石磚。地板則選用合成地磚，防滑光潔。樓梯、電梯就有懸空設計的 LED 燈飾，方便大家離遠都能夠找尋出口位置。此外，旺角站內的設施會重新安置，以便增加三條電梯，改善乘客的流向；九龍塘站就會將部分升降機遷移，擴大月台的空間，紓緩擠逼情況。