【手作愛的故事】設計追夢情緣

機緣巧合下，  認識了SIRIHOUSE的Rice 與 Sing， 他們的黑白微縮皮具靚到不得了， 早前我大膽問阿Sing:「教我造微縮袋仔得唔得？」， 他竟然一口答應。Yeah！！今日放假去學造皮！！ (開心到爆)

今日Rice教我造一個少女大熱的劍橋微縮袋， 袋的紙樣一早由Rice準備好， 只要用水銀筆在皮的背面重新晝一次便可。

之後就用鎅刀鎅出所有皮的部份， 事前的準備功夫就完成了。縫袋之前， 就要用鎚仔及錐在皮的邊緣位置打孔， 以便之後上線之用。  

正當Rice努力教我縫袋之際， 無心向學又八卦的我， 便將話題轉到小情侶相識經過。

阿Sing直言是一見鍾情， 但展開話題竟然是由Rice主動:「梗係唔係啦！！ 當時個個同事都好細個， 人人都好奇點解會嚟咗個咁老嘅新人， 我八封走埋去問佢做得慣唔慣， 其實想問吓佢幾多歲咋。」

(阿Sing強調， 我都係大5年啫， 點會老？？...係囉...我仲大個Sing十年， 都仲係度扮緊年輕啦...(汗))

縫袋途中， 冷氣太大， 令Rice有少少涼意， 細心的Sing即時遞上紙巾， 及調細冷氣， 我問Rice鍾意對方甚麼， 她臉泛微紅尷尬說:「細心， 踏實， 又夠溫柔， 好識攪笑囉， 同佢一齊好開心架...」(原來係真架？ 男仔識攪笑， 真係易啲追到女仔喎！)

緣份令兩位陌生人認識， 雖然神女未有心， 但阿Sing己主動出擊:「本來當時我坐得好遠阿Rice， 好彩突然坐佢隔離嘅同事調職， 於是我就即時同老闆講要求， 調咗同阿Rice一齊坐囉...」

設計師要追設計師的攻勢也與眾不同， 2012年暑假， Sing參加一個時裝設計比賽， 專誠找來Rice做他的飾物設計師， 順利成章便可日夕相對， 情緣亦由始起， 而愛神也令兩人同時幸運的取得公開組冠軍。

(相片由Sing提供)

說時遲那時快， 阿Rice已為劍橋微縮袋打好磁石扣， 及底面縫製一起， 簡直磨力手一樣， 好勁呀！！ 雖然手腳快， 但始終得一雙手， 產量有限， Rice扁扁咀:「今年忙到連年宵都無時間行， 因為返咗好多單， 要趕皮花頸鏈呀！！」

年宵要寓拍拖與工作， 但原來他們第一次約會， 情況是又開心， 又難忘。

阿Rice:「2012年聖誕， 唔知點解好熱， 我哋約咗去沙田玩， 但阿Sing竟然著咗件又大又厚嘅冷衫趕過嚟...一路行我就覺得有陣異味...不過第一次拍拖又唔好意思講， 我有暗示話駛唔駛除咗件冷衫嘅...」

Sing又笑笑口駁咀:「我嗰日得件底衫， 除唔到...不過我都知自己焗到好大汗， 講真自己又聞唔到喎！ (係呀！自己聞唔到自己臭架..)」

Rice甜絲絲說:「其實我有諗過叫佢買過件衫， (Sing扮不滿:「妳又唔講我知？」)， 無理由第一次出嚟就話你好臭呀！」， 可憐的Rice就由中午忍至晚飯回家， 終於可以鬆一口氣喎。

一邊回憶， 另一邊阿Rice已經順利完成了整個劍橋微縮袋， 對不起， 我這名又笨又八封的學生跟了一半， 還是交回師傅Rice幫我執手尾吧...

Sing安慰我:「我哋男仔手大， 做微縮好難架， 所以E家我都係主要負責大袋， 細袋全部都係Rice做， 我最多幫吓手塗Cmc(處理劑)咋」(係呀！係呀！連支針都超細， 真係穿都眼都花)

除了微縮手袋， 我最愛就是阿Rice的微縮相機， 新研發的相機， (中間的a7系列)， 是最新款多了Filter， 更加似真機一樣。

我最初以為相機機身是一個細盒仔， 原來中間也是由皮褶疊而成的， Rice:「好多人都問我， 喺邊搵個咁細嘅盒仔出來呀！」(這部微縮a7鋼水還好過我部真機多多聲)

SIRIHOUSE成立初期， 主要也是製作一般皮革用品， 一年前因為Rice愛玩Blythe公仔， 想為公仔添置一些皮造手袋， 因此便發展出這微縮系列。

小情侶經常一齊分工合作， 例如新的訂單， 客人需要一個公事包， 大的就是由Sing設計， 而細的就是Rice專誠造來送給客人當作留念之用。 (嘩！！子母系列， 我都想要呀！)

Sing封筆繪畫十年， 但就為女朋友重新執筆兩次， 第一次是去年情人節的禮物， 而第二次...(我爆埋出嚟唔知會唔會被Sing罵？？！！)， Rice說:「佢做錯嘢， 畫嚟認錯囉， (做錯咩呢？？~心地唔好的我繼續問)， 唔記得Lu…

潮流興Size如同單鏡反光機的細袋， 這個Celine款袋是Rice做來帶去市集載收補工具， Rice:「我先做咗個微縮版， 再做返個大版嚟用！」一大一細引在不少市集客人經常查詢。

工作室雖然漸漸上軌道， 但全職手作人的Rice也想找一份正職， 情願放工開通宵趕工， Rice解釋:「因為我哋打算幾年後結婚， 當然兩個人一齊儲錢會好啲， 所以就算辛苦啲都無所謂。」

兩口子有共同理念， 努力攜手為共同目標打拼， 好浪漫， 好溫馨的一對年青愛侶， 真的令人羨慕， 衷心祝福SIRIHOUSE繼續成功， 小情侶繼續甜蜜。

SIRIHOUSE