台北玩具之旅

其實世界各地都有人玩玩具嘅人，只係我哋去旅行唔係地頭蟲所以唔識去尋寶，所以今次想同大家分享吓我係台北尋寶嘅好地方，(純粹分享個人認識不喜勿插)，首先大家要有心理準備先，其實係台灣買玩具未必會大家想像會平過香港，只不過係有機會揾到一Ｄ香港已經無貨嘅物種，而價格上可能會貴10至20%左右而唔使捱香港炒價，係台北大致上有三處地方我每次都會去望吓嘅，大家有興趣下次去台北可以去望望！

第一個推介~beast kingdom toys
位置：西門町amba意舍酒店，武昌街和昆明街路口的誠品武昌商場地庫，有一間轉賣人偶公仔嘅鋪頭，入面可以揾到Hot Toys/熱血童盟/千練值嘅產物。

第二個推介~萬年商業大樓(位於西門町萬華區西寧南路)三樓全層，入面大約有十幾間商店專買賣合金、模型、汽車模型、雜誌、軍事用品、卡通精品等等、應有盡有。

第三個推介~台北車站地下商店街YＺone 15區至27區，落雨行街最好嘅地方，而入面都係主攻合金、模型、汽車模型、雜誌、汽槍、TOMICA車、軍事用品、卡通精品等等、應有盡有,順帶一提，果度有好多間玩具格仔舖，大家可能尋到寶都未定!!!!!!

今次之行只係掃到幾架車仔同依隻SR小新合金咋