幾年前,自接觸到蝸牛黏液這護膚原素就非常喜歡,亦因此,時時試唔同品牌的蝸牛產品,看看有沒有新發現。的確,佢可以紓緩和修護肌膚,對抗炎去印功效特別好。但有啲產品,雖然好,但就會有啲笠。 我個人只要有效果,就唔介意笠,只限晚上使用;因早上好多時要化妝,所以個底笠的話,會影響底妝嘅效果。

亦因為蝸牛產品適合有過敏底的人用,因此正合我現在的需要。是關,我這叻唔切的所謂美容達人又瀨嘢…..都係衰 “急功近利” 搞到皮膚敏感。

話說為咗有靚皮膚過年,同去影prewedding (哎…講到結婚嘅嘢,女人都係會不遺餘力)….打從12月,我就造密咗lacer facial…..有時,打孖上,一次造兩個treatments……再加埋更努力造運動……皮膚底層已乾爆…..我知死架la, 一早已搽好多好多嘢, 問題都未算太失控。 但後來, 病完又病,抵抗力差,結果一上大陸,空氣污染勁,就成面出晒啲粒粒。另加成面乾紋同暗啞,雖然啲粒粒唔痕,但加埋乾紋….上咗妝都係勁凹凸…..望落都覺得老咗10年咁!

以前,只要加強補水,啲粒粒會消失; 但這次都係”死唔斷氣”。而這段時間,我就停用一切美白和抗皺的產品,因為比較刺激,晚上就用抗敏的skincare (有效,但好笠)。早上,因要上妝,就用Dream Skin 的Snail 10 in 1 Premium cream。

覺得佢水份特別重,冇味,待被皮膚吸收後,你會發覺啲缺水紋即時改善 + 皮膚有光澤。 但亦因為佢唔油,唔笠,我就覺得佢冬天未必啱我,因我冬天習慣用油份多啲,rich 啲嘅產品 (個人習慣only)。 佢比一般韓國品牌的snail cream,水份更多,同冇咁笠的,所以好適合上妝前打底用。

最重要,係唔會令我的敏感惡化;因蝸牛成份, 不刺激 + 有healing作用。 

我早上用,會㩒到底,一大pump,搽面同頸 (正常皮膚未必要咁多,但我超乾,所以就大貪啲)。 我會同時按幾吓,有助吸收 。之後,我會待佢吸吓 (冇咗層”水”),就上妝。佢係即時令皮膚有飲飽水的光澤 (但發覺,要配合按摩,效果先會更好)。 就算我這段時間,皮膚咁缺水,佢都可以last 到我放工,皮膚都唔覺得乾。 

Snail 10 in 1 premium cream 適合妝前打底,會令粉底貼好多…但因佢一搽完會有層 “水”….所以要待幾分鐘水被吸收後才好上妝喎! 一大盒都只係二百幾, 非常抵用。 

ps, 影這些相時,我的敏感已好咗6-7成,只有額頭位仲有啲粒粒。

左: 乜都冇搽,皮膚冇乜光澤。

中: 搽咗Snail 10 in 1 premium cream,讓佢比皮膚咗一陣;皮膚好有光澤 + 柔軟

右: 搽了好薄的底妝,皮膚的質感,都好飽滿。

另外同佢同line 的 Snail Activator Treatment Essence Water,不但有蝸牛分泌濾液成份,仲有酵母,可以當toner 或妝前妝後造補濕都得。其實現在,我都習慣上妝前,噴啲essence spray 才開始化妝,這會令皮膚的水份更充足。

但如果你有妝嗰時,唔好直接往面上噴, 啲 “水力”會太猛。你應該將spray 往天上噴,待幻化成噴霧的essence water, 如雨粉般,平均但又輕柔地 “覆蓋”在你面上。 

後話:

冇吹水, 敏感勁嘅時間,就係咁醜 ~ (為blog 犧牲)

相只係用iphone 影,鏡頭冇咁好,都影到乾紋,粒粒同暗淡。


 Dream Skin 完美蝸牛美肌系列

 https://www.facebook.com/beautytalk