預算之外嘅消費 SHF 人造人間16號

對人造人嘅愛，我嘅算式係18>16>17，17號買咗返嚟一直冇動力去開盒，結果原封不動送走佢，正因為唔會齊人，

所以之前唔打算買16號。直到早幾日見過實物之後，我嘅左搖右擺購買意欲又鑽出嚟，最後咪又係買。

個盒比想像中薄身，可能係我高估咗內容會好豐富。



開盒先知原來得咁多件，唔怪得可以同17、18號一樣咁薄。

整體上水平好高，頭雕乾淨又到位，雖然配件極少，但可拆除嘅前臂足以提供出必殺技如飛拳同死光砲等玩法，算唔錯喇。

至於缺點方面就一定有，除咗係最傷感情嘅細比例之外，股關節因為太大舊當轉到某個角度會頂住褲襠導致活動範圍縮窄。

但總結以上優點缺點，今次人造人間16號無疑係好物。