【正氣朋友】成個銅鑼灣都係鹹蛋超人@Ultraman x Hysan

鹹蛋鹹蛋鹹蛋！！本來我想帶同正在放農曆新年假的SY， 齊齊到希慎睇超人， 可惜他要補課， 無奈今日只得我一人食鹹蛋.

中型超人Zero， 手執Zero頭鏢殺入希慎啟超入口， 今日旁邊不停有人大叫:「好大隻呀！」， 「快啲同隻1:1大超人影相啦！！」(其實1:1 Zero點只六米高！！)

上次戴次偉來港， 就被無限放大， 今次七星俠之子Zero， 劇中有49米高， 即是現時的8倍， 即時Zero一來香港慘被縮水喔.

巴魯坦星人其實都一樣有來， 不過他躲在希慎玻璃窗的一個暗角...可能想靜待時機， 才光明磊落一番嗎？？

今日我走到大堂， 就見到真人巴魯坦星人及超人慈母在舉行握手及集郵會， 我當然即時排隊， 排在我前面的4歲小朋友不知多興奮， 不停大叫巴魯坦星， 巴魯坦星， 巴魯坦星.

不過， 原來， 每段合照會也只有十五分鍾， 之後下一場是超人迪加， 工作人員要帶主角走啦！！

原來小朋友和我一樣不愛迪加， 而下次再見巴魯坦星人及超人媽媽要2小時後， 所以， 我和小朋友一家也放棄繼續排隊.(激鬼死！！ 早知早啲嚟啦！！)

原來大堂的2米高巴魯坦星人及迪加， 會作限量50隻出售， (先不理會$98，000及$88，000的價錢)， 如果有人送給我， 收容了他們入屋， 真的行都無位行. (究竟咩人會買， 真係好想知？？)

同場有一個超~超~超平凡的Pop-Up-Store， 或者…可能…我不是鹹蛋迷吧...

你有興趣可以去看看， 因為人流少， 又不用排隊， 一看無妨.

最特別算是一套12款鹹蛋郵票， 總面值也有$20.4， 不過索價$238.

希慎4樓空中平台最正！！ 因為有一個磁石場， 只要用Facebook讚好官方網頁， 即時可以在10款磁石揀一款.

哈！！ 我有兩個Facebook戶口， 所以在各5個鹹蛋超人， 及5個敵人中各選擇其一， 正！！免費有紀念品， 又不用排隊，  最啱我貪非賣品的小便宜精啦！！HeHe

原來利園2期一樣有景點， 不過就比較弱， 只是一輛不知名的Q版汽車， 我最初以為是入5元， 就會震2分鐘的BB玩意. 誰知不能入錢， 動也不動的硬膠車加吉田..

之後便走到利舞臺與Q版超人合照...不過...說好的UNIQLO天台上鹹蛋， 你在何方？？？ 不會是滯留在M78星雲吧！！ 

利舞臺前廣場， 我當然第一時間和Q版King Joe及銀河合照啦！！ 雖然我不肯定銀河有沒有對付過King Joe.

其實我真的好愛比蒙， 否則我剛才的磁石不會揀她， 因為我覺得她好靚， 十足十Michael Jackson.

最攪笑我見到有位小妹妹， 好大力打這頭獨角獸， 並同她的爸爸說:「打打！！曳曳」 (勁呀！我估計未夠兩歲， 她爸爸一定早已傳授不少鹹蛋知識給妹妹， 否則佢點知係壞人呢？)

叔叔好投入與賽羅玩遊戲， 不過如果SY在場， 我應該也會要求他擺出同樣對戰之勢. (好有型呀！！唔得...搵日要帶阿囝嚟紮馬影返一張先得)