Furterer Okara 鎖色系列

對好多女仔嚟講，電同染都係定期造的事。我以往都係一年電兩次，染兩次。但係自從剪了短髮後，我就再沒有電，反而染就繼續做。我除咗留長卷髮的時候，為咗令線條出啲才染淺啡色，其餘時間，都係做啡紅色、酒紅色或橙紅色。 總之，我非常喜歡帶紅tone 的髮色。但偏偏這色係最難染，亦最快退色。因紅色tone的份子係最大，所以比較難鎖在頭髮上。加上亞洲人頭髮偏黑，如果之前不經漂色，亦會加大上色的難度 ~ 而我的底線就係堅決唔做漂色，因對頭髮的傷害太大。 所以， 我的紅頭試過最快3星期都冇 (我有好多朋友， 1星期都keep 唔到)， 就變咗啡色。後來， 就算識得用鎖色洗髮水， 都係一個月左右。 

因之前新年，再加我就快影pre-wedding，所以又走去染。這回去了1st AVE 做，因佢哋啲chemistry 質量好，亦會用我喜歡的護髮品牌 Rene Furterer。這品牌的產品，我2008年已開始用，當時在blog 亦介紹過。 這些年，一到轉季，甩頭髮勁的時間，都會用佢。都有試過用這品牌的另外產品，都好滿意。 

做色之前， 他們給我做頭髮和頭皮的分析，就係將頭不同部位的頭皮+頭髮放大，讓我看看頭皮是否健康。而一個毛囊內如有幾根粗壯的頭髮長出來，而髮根沒有過多頭油或洗不乾淨的殘留物，頭皮緊緻，就叫健康。人的頭頂區，就多數比較差，而後腦區就相對會健康點。 我就是如此，頂區比較弱， 頭皮有缺水紋。

(健康)

(麻麻地)

原來我捉到鹿都唔識脫角，我甚少將護髮素塗到頭皮上 (雖然，對多數護髮產品，的確不該塗在頭皮上)，但我用開的 carthame就是可以的。 它有滋潤頭皮的功效，髮型師說，很多人只會focus 在頭髮健康， 而忽略了頭皮健康。 頭髮和頭皮就如農作物和田地， 要有健康肥沃的田地，才會長出豐盛的農作物。 所以， 我以後會加強留意頭皮保養。 

而無論多好的chemistry，都會對頭皮帶點影響，所以他提議做color 前，先用ASTERA Soothing Fluid 為頭皮打底，可減少chemistry 對頭皮的刺激。再用OKARA Professional Treatment 再次保護頭皮和令染髮後的色澤效果更好。助手就是將這兩樣產品按在我乾髮上，待一會就可以做色，敷上的感覺就是涼涼地，不用steam 的。 

髮型師不主張做完color 後才做treatment，因treatment 的營養和顏色份子， 都會爭著進入髮芯 ~ 髮芯地方有限， 所以如營養入了去就等如逼走顏色份子，因而影響著色效果，而染髮後，最好連續兩星期用鎖色產品，帶treatment 成份的hair mask 就兩星期後才做。

髮型師有跟我解釋， 因我喜歡用紅tone， 又不要漂頭，所以他會將色調得紅一點。之後幾天，洗頭時啲水會是紅色的。 要過些日子，顏色才會是最理想。 而配合okara鎖色產品， 會有助我keep 到啲色耐啲。

左: Okara Protective Radiance Enhancing Shampoo

中: Okara Radiance Enhancing Conditioner

右: Okar |Radiance Enhancing Spray

我以前都係不惜功本，去日本salon做color， 就係貪佢哋嘅chemistry好。 不得不不讚1st AVE的 chemistry 更好， 係比日本的chemistry更冇味。 而日系chemistry 雖然一啲都唔喇，但一開始都會令我頭皮局部癢癢的， 有小小㓤，唔知係咪之前啲treatment works， 所以這趟在1st AVE 做色， 一點不良感覺都沒有。 

做完啲色，好靚…我這地獄攝影師真係唔識影…其實肉眼看，在白光、黃光和室外光看的顏色都不一樣。 白光會顯得深色啲….. 而在太陽下就最紅

左: before

右: after (剛離開salon, 在mtr影; 唔係好影到啲紅色)

之後，我仲北上了1星期。向來大陸啲水，會令我的頭髮又乾黃，令color fade out 得好快。 所以我括出去， 3大枝貨size 的洗髮用品，都照帶埋上去。有shampoo, conditioner and spray (鎖色噴霧，係洗髮後用，仲可以對抗uv)。 順帶一提，很多shampoo 洗頭時會用2回。 但okara 的只要用1回就夠。

Okara protective radiance enhancing shampoo唔會起好多泡，但清潔力好好，就算只用一回，頭皮感覺好舒服。Okara Radiance enhancing conditioner 就唔笠，但足夠令頭髮順滑不打結。尤其用了OKARA protective radiance enhancing spray， 吹頭後的volume 特別好 (但說明沒有提及層加volume 的)。 只係，佢有小小酸味….如果好似lissea 嗰條line 啲味就perfect la。

自2月頭， 染髮起到今天，都係用OKARA； 啲色keep到 + 頭髮都好健康。 當中沒有做過hair mask (比著以前， 染髮幾天後就開始造hair mask，否則頭髮會好打結)。 更驚喜的是，沒有脫髮 (以前會有的)。 

這些日子，雖然我有曬過 + 造運動時，汗水醃住啲頭髮，這都會令顏色退得快。但啲產品不但keep到色，啲紅色越嚟越靚，好多識貨的朋友都驚訝，在冇漂之下，可以做到這色，而且色澤均勻亮麗。最緊要，過了兩星期，啲色都係好RICH 的紅色。

以下啲相，係這兩天影的 (不同場景)：

在化妝台的白光燈下 室內、 冇特別光源 室內、 用窗外的陽光 changing room 的射燈

光越猛， 色越出！

note:

1st AVE Hair Spa by Rene Furterer

Address: Room 501, 5th Floor, 1 Duddell Street, Central, Hong Kong