莊思敏 Jacquelin 去年做個不停，趁着農曆年間，放了幾天假回馬來西亞老家探親兼充電，盡情享受天倫樂，她笑說：「我今次返馬拉主要係同屋企人過年，同埋hea啦，咁啱亦都係我細佬個女一歲生日，我細佬同佢搞咗個party，成家人都玩得好開心。」
Jacquelin是出了名的工作狂，今次假期終於停一停唞一唞，甚至乎史無前例地hea到跟兩位妹妹莊思明和莊思華及胞弟一起行山，遊覽山景瀑布，豈料原本好哋哋去玩，又搞出一場失蹤驚雲，「嗰日我哋四兄弟姊妹去咗運動，走咗去行山，點知一行就行咗7個鐘，又收唔到電話，我阿媽勁擔心，以為我哋失咗蹤，爭啲想報警。」最後莊媽媽搵到仔女才終於鬆番口氣。
日前Jacquelin已返港，並旋即投入工作，Jacquelin希望踏入羊年後繼續忙，「希望拍多啲唔同電影，嚟緊5月會做一部鬼片嘅女主角，嶼亦都希望今年可以正式拍吓劇，試多啲唔同嘅嘢。」
莊思敏回馬拉過年 遊山玩水
https://www.facebook.com/starshk
