相差不遠 : 小島料理 KOJIMA

上次食完馬拉野經過門口，見到有人排隊拎籌號，八卦睇下menu先知小島料理係食牛丼。

今日諗起呢度又時間夠早，就十二點前過黎拎籌試下。

餐牌圖文並茂，睇得出係有心機既設計。

店仔細細但好企理整齊。

窗口高檯位放滿小巧裝飾。

因為比較早到可以叫到慢煮牛肉，就叫左小盛既慢煮肉眼牛丼同大盛既慢煮西冷牛丼。

前菜同湯汁先上，前菜口感清爽而湯汁帶昆布香。

另加既薏米水入口微甜。

慢煮肉眼牛丼先上，雖然係小盛但唔太大食既應該夠飽。

肉眼色澤吸引兼入口肉味濃，咬落又軟嫩相信係慢煮既效果。

米飯食落口感剛好，吸收左蛋汁更惹味。

大盛既慢煮西冷牛丼跟住上檯，呢個大盛又唔覺飯碗大左，所以大盛應該係指牛肉份量。

西冷舖滿飯面份量唔少，咬落雖沒有肉眼咁嫩，但其實口感同牛味都非常好。

兩碗慢煮既牛肉丼都真心好食，最後食到碗底朝天。感覺同係日本食過既相差不遠，重要價錢實惠，難怪大熱天時都有人願意排隊。

小島料理 KOJIMA

地址：大角咀櫸樹街58號地舖

Tel : 6479 0023