食得夠甜可一試 : 陳茶館芋圓甜品專門店 Taro ＆ Tea

周末晚食完飯冇野做，見到紅墈個邊有新開甜品店，就當食飽散下步行過去睇下。

去到門口都見到入面唔少人，睇完餐牌都有野想試就搵位坐低。

餐牌唔算多選擇，但圖文並茂都幾易睇得明。

香芋芋圓仙草先到。

芋圓咬落都煙靭，仙草同食涼粉冇分別，而芋蓉都唔少食落幾甜但夠芋香。

木瓜桃膠鮮奶都好足料。

木瓜新鮮而桃膠都落得唔少，但鮮奶有點偏甜，可能係鮮奶有加糖水，再加上桃膠同木瓜既甜味令鮮奶更甜。

自己覺得出品甜了一點點，但食得夠甜既朋友可以一試。

陳茶館芋圓甜品專門店Taro ＆ Tea

地址：紅磡必嘉街120號黃埔天地第3期百寶坊地下G12號舖

Tel : 2180 2112