歡迎寵物 : 哈欠 haahim

今日本來想食素，到埗先知冇得食，唔想走太遠又見到呢度門面吸引，又有位唔使等就試下呢間。

室內佈置令人想hea下坐一個下午。

諗住會食完轉場，所以只點蒜香醬油豬排飯同草莓乳酪沙冰。

草莓乳酪沙冰飲落啖啖都係草莓既香味，完全係落足料既出品。

蒜香醬油豬排飯上場，除左蛋同豬扒重有炒香左既蘑菇片。

豬扒幾淋又入味，不過更喜歡飯粒，因為有咬口又吸收左醬油。

流心蛋睇落同食落一樣唔錯。

店家都歡迎客人帶寵物一齊到來，而且可以入室內一齊坐，當日就見到三隻可愛既貓貓加兩隻小狗同主人坐埋一齊玩一齊食。

哈欠

地址：深水埗青山道3-5號建新大廈地舖

Tel : 2386 8837 / 6343 6444