日子重臨 : 逸東軒

呢掛有舖點心癮，上個月尾睇到呢度四月頭重開兼有promo，二話不說就book左假期中午黎食番餐開心下。

上次黎都唔係近期既事，格局冇變，檯同檯之間有足夠空間，除左安全外傾計都可以保持私穩。

水滾茶靚，飲住茶等點心上檯。

點心未到前菜先上，爽口四季豆先用黎打底。

重開頭幾日送既叉燒每人兩塊，咬落都幾鬆化。

筍尖蝦餃大細剛好，熱辣辣又足料，一人兩隻冇難度。

海鮮芋角外皮香脆，內裡既芋蓉十分軟滑。

可能掛住食所以冇幫陳皮牛肉球影騙照，好彩重有張大圍相頂住。牛肉球食落感覺冇咩落粉，再食真d就有陳皮香氣滲出。

叫左未試過既香煎墨魚籽粢飯試下，香口野做得夠熱夠脆已贏一半，粢飯食落黏口有米香贏埋另一半。

今日除左平時食開個類，另外點多一個鮑魚京蔥和牛酥食下回味下。

重開前呢度既出品已俾唔少人推介，重開後冇走樣，睇怕好快又變成一檯難求既日子重臨。

逸東軒

地址：逸東軒佐敦彌敦道 380 號 Eaton HK B2 樓

Tel : 2710 1093