親試兩周間效果！Clarins 透亮光感淡斑精華

美容

2021-04-17 |

1785

成日聽人講，同年齡嘅話，女人生過BB比起冇生過嘅老10年。我發覺呢句説話都幾真...比起坐我附近嗰個單身貴族女同事，我啲皮膚的確係比較鬆弛，膚色偏黃偏暗啞。咁當然好多因素啦，可能係遺傳，可能佢好勤力做運動，我就晚晚攰到連飯都唔想煮但仲要理個仔啲功課。不過我覺得呢啲都唔係自暴自棄嘅藉口嚟，無論幾忙幾攰，夜晚臨訓之前嘅保養時間係我嘅Metime，我點都會捍衛我嘅護膚時光！想起最短時間發揮最大嘅功效，梗係要用好嘢啦！我最近就用緊 Clarins 透亮光感淡斑精華Bright Plus Serum，睇吓可唔可搣甩黃面婆呢個稱號先！

Clarins 透亮光感淡斑精華 $670/30ml
點解想試呢隻精華？因為佢獨有嘅「雙注氧美白」科技，以桃金孃及西印度櫻桃籽萃取，激活細胞含氧力，可以令肌膚重新呼吸，另外佢仲含有升級維C植萃複合物，從根源減少黑色素，有效去除暗瘡痘印，14日淡斑去印，勻均膚色！啱晒而家日日戴口罩焗住皮膚嘅狀況！

睇埋佢哋嘅臨床實驗報告，令到我對呢隻精華充滿信心！最新植物科研實證，92%女性認同肌膚顯著透亮（104位女性使用28天後滿意度調查結果）激減色斑面積44%（26位因肌膚炎症導致色斑的女性使用1個月後臨床測試結果）提升肌膚透亮度18%（53位女性使用2個月後臨床測試結果）我本身係好易出暗瘡留印嘅膚質，塊面一撻撻印真係幾不雅，我覺得呢啲色素沉澱令人望落去老幾年，所以點解「一白遮三醜」呢句説話可以流傳到咁多年，因為係珍珠都冇咁真呀！

質地係乳液狀，唔會乾，幾水潤。容易推開，推開之後質感透薄，唔會好笠黐黐，仲易吸收添，都幾啱而家嘅天氣用。遲吓開冷氣，我可能會加多層或者搽厚少少，因為我真係好乾（望到張相都見到我隻手啲乾紋出晒嚟...唉）

個人習慣係先全面搽一層，再喺啲色素沈澱嘅位置搽多少少，例如顴骨位，同埋暗瘡印位。按摩一吓，吸收之後可以加保濕精華同面霜。朝早用都OK㗎，用完佢之後搽返防曬就可以喇（我係一個自從戴咗口罩之後就冇乜化妝嘅懶媽媽～）

我都用咗接近14日，等我Share我嘅效果先。之前我入手嘅口罩戴完發覺皮膚敏感，下巴位好痕，R完就出咗啲暗瘡留低咗啲印，我全面搽CLARINS透亮光感淡斑精華，再集中搽個下巴，我覺得個印真係有淡到，範圍縮細咗，望落去已經冇咁覺，喺色斑面積縮細嘅效果相當唔錯！整體嚟講，膚色都有均勻到，唔係太鍾意自拍嘅我最近發現自拍唔使P啲皮膚，的確係好開心～講開又講，呢排啲皮膚真係好咗，冇咩再生暗瘡同埋敏感痕，我諗可能都關搽CLARINS透亮光感淡斑精華事！因為佢係有注氧、提升肌膚含氧力嘅功效，所以皮膚而家抖到氣，自然就唔會再焗到生粒粒啦！