今日好興奮， 因為可以接觸， 從前只有在「日本風情話」才看到的日本打年糕， 今日還可以親子親手齊齊打.
這個由「香港和橋會」舉辦的新年活動， 原來已經第6年， 9成參加者也是日本人， 所以今日我似身處日本一樣. (簡直唔駛錢去咗日本啦！！12樓內的空氣都充滿櫻花味！！正)
活動開始前， 先來一個簡簡單單的「成人禮」， 8位剛剛滿20歲的青年人， 由會長「訓勉」一下， 並送上小小心意. (嘩！！20歲~青春~真可愛青春， 細我一組生肖有多….真係救命！！)
場內全程日文頻道， 但別以為他們不懂中文， 因為多數人也居於香港多年， 就似「成人禮」(圖右一)本間健司， 中學也在香港讀書， 他的廣東話精準過岑麗香. (我有一刻以為佢係扮緊日本人添)
日本人的紀律今日一一表演， 例如會長說大合照， 150人不需3分鐘已經順利排好位置， 一同「池知」！(平日我哋大合照， 無叫破喉嚨， 無10分鐘都偷笑啦)
之後會長大叫「開枱」， 所有男丁又即時夾手夾腳， 不知從何變出6張長枱， 又紅又白疊疊米， 一個柔道場極速變成新年食堂. (簡直似電視快鏡一樣)
吃過小食之後， 就看到師傅們， 在廚房捧出一團熱騰騰， 如小枕頭的粘性大米團， 放入一個大木桶內， 之後先由會長們先打為敬…
各人以大木鎚打十下， 有助手則不斷翻動桶內的米漿粉團， 以保證年糕打得比較均勻. (我覺得助手的手最危險)
之後就輪到小朋友排隊用小木鎚打麵團， 傳說年糕有大米的靈魂， 通過打年糕及分享過程， 箇中的人可以獲得大米神的力量.
我不知道傳說是否真確， 但打年糕一定好玩， 否則SY不會打完又排隊， 打完又打.
攪笑的Muko輕而易舉的連揮十鎚， 氣勢磅礡， SY細細聲對我說:「好重架個鎚…」， 無理由， Muko打得輕鬆如舞劍， 有幾重呀？？
大仁就用大鎚， (嘩！！ 原來這個鎚…重過擔泥， 好重呀！！)， 我又不敢打力打， 因為會長話:「要打正中間， 如果打到個木桶， 要賠一千蚊呀！！」
我好驚會打到助手的手， 所以我特別慢， 結果就連會長也笑:「E~~嗚~嗚~殊~~」(其他人他很有氣勢的「嗚殊」) ， 所以我逗得會長， Muko及周圍人多高興！！
大會準備了三底年糕， 所以人人也可以打完又打， 不過在場我見很少日本女性參與， 可能如電視所見， 日本女性傳統也只擔當助手的翻動年糕的角色吧！！(偉大的大男人國家！！I'm Loving it啦)
打好的年糕， 原來即時可以享用的喎， 大家排隊食用自己有份打造的年糕， 就連阿囝也食不停.
我問忙著做年糕的女士們， 是否要很有經驗， 誰知她們答我:「今日第一次造， 好容易一學就識」(吓？？少少失望) 「呀！！早知頭先答你學咗好多年啦！！」(係囉！！點解唔呃我)
今日的年糕有四款口味， 鹹食的添豉油配紫菜， 配紫菜碎， 配紅豆，及小麥粉.
我最愛當然就是後兩款的甜食. 可能暖暖的年糕一配上甜甜的配料， 我忽然覺得自己變成大雄， 重見消失了的叮噹一樣， 幸福得想喊出來.
阿太和SY就愛吃豉油配紫菜， 個人口味問題， 永遠覺得爆谷應該是甜食一樣的偏見啦！！
今日小朋友特別開心， 因為完場前又有集體「包剪揼」遊戲， 大人亦可以玩， 不過贏了沒有獎品呀！！
而每位小朋友臨走前還有一袋小文具， 貪心的SY如獲至寶， 握得實一實啦！！
告別前會長帶領全場人， 來一次三拍掌， 祝願2015大家身體健康， 愈來愈好. 日本人真團結， 又齊心， 今日還要多謝阿太老闆的資助， 打年糕..好玩到唔捨得走！！
PS: 最後和Muko合照， 永遠頭戴攪笑帽的Muko， 我也不認得， 全靠阿太這位粉絲..難得與真面目的Muko集郵！！ Yeah.
【日本風情話】新年打年糕 大大力初體驗
https://www.facebook.com/hayakutang
