方堯Yona身材高挑天生性感女神樣原來內心細路女生最怕寂寞孤獨首推單曲已講明喜歡團隊不會單飛

女子組合B.Gs 各成員推出個人單曲，日前於西九龍中心舉行慈善簽唱發佈會。
當日各人即場獻上各自單曲，方堯一首「不敢打擾你」盡訴故事主人翁失戀後內心世界，演出令人動容，惜方堯笑言自己唱歌沒有天份，其他人學習一個月既唱歌小技巧，她足足要學成年，個人單曲應該可一不可再，睇黎大家要好好珍惜呢隻「不敢打擾你」啦。

佢又話其實自己鍾意做戲多過唱歌，平時都鍾意搞下笑，扮下模仿下其他人，希望有機會的話想影視上作多方面既嘗試，仲話可以放低外表無包袱扮醜都得添。

三首個人單曲風格不一各有特式，問到是否公司為各成員單飛作準備，方堯就話雖然自己天生大大隻，但其實十分細膽又怕寂寞又怕孤單，都係鍾意團隊生活同埋一班人熱熱鬧鬧，講到明唔會行單飛咁話喎。

發佈會當日，有份推出單曲既三位成員包括CC, 心心既「男主角」都現身支持，唯獨係未見「不敢打擾你」MV與方堯上演愛情悲劇既男主角梁裕恆，問到是否因安心事件，網絡輿論壓力所以缺席，方堯直言沒有想太多可能對方只係有其他工作要忙檔期唔夾故出席唔到。