話咁快Aster姐就過咗一歲生日，原來肚仔脂肪已經靜悄悄咁跟咗我年幾兩年，以前仲可以用闊身衣物去遮遮掩掩，而家都係闊身衣物，不過買大1、2個碼！ 既然已經肥咗，我都放棄治療之際，俾我喺Gratus發現咗elyze嘅定位修形做它們的皇牌療程「CoolSculpting冷凍溶脂療程」。 最鬼鼠嘅肚仔就等我定位消滅佢！
冷凍溶脂療程係以經FDA認證嘅專利技術Cryolipolysis，利用特定低溫機頭，以真空吸吮技術凝結療程部位嘅脂肪細胞。冷凍環境可以令脂肪細胞自然凋亡，再經新陳代謝自然排出體外。一次療程就有效減少22%脂肪細胞，而且療程為非入侵性，無須復原期，效果大約2-3個月後就會呈現，又係時候準備今年夏天嘅來臨！
今次去到銅鑼灣時代廣場NeoDerm the Center做treatment，一貫白色裝潢，環境令人感覺非常舒適。
以前真係好似填測驗卷咁填嘅個人資料同健康問卷，而家已經全面網上化。
點咗杯我喺NeoDerm做treatmemt最鍾意嘅薑茶，再慢慢篤住ipad入資料，而家去做treatment都可以咁chill～
填完治療師會帶你到適當樓層入房換衫同放好私人物品，跟住就去做Inbody(身體分析及脂肪測試)。
冷凍溶脂療程唔係人人都做得，原來脂肪太少或太薄嘅話就做唔到！ 治療師會先同你分析身體狀況，解釋返邊個部位脂肪量、肌肉量比較多等等。 我想做嘅肚仔梗係符合資格做CoolSculpting啦！不過肚仔都有一定範圍，所以治療師將佢劃分咗4 part，而每次療程可以做2 part，會分2次進行。
未正式做療程之前，治療師會喺我肚仔上面幫我劃線，之後就可以上床準備。首先先清潔治療位置，再貼上Gel Pad保護皮膚以防凍傷。機頭以真空吸啜住治療位置，最初幾分鐘會慢慢feel到冰凍感覺，之後治療位置會凍到麻痺，暫時就唔會有感覺。過程中治療師亦細心幫我蓋好毛巾保暖，35分鐘後就完成療程。
35分鐘之後，治療位置會凍到變實，治療師會立即按摩幫助循環，過程會有輕微痺疼嘅感覺，但係呢個步驟非常重要，因為可以幫助提升療程效果，所以都要少少忍耐啦！
療程後會治療部位有機會出現痕癢同輕微疼痛情況，係正常嘅，一星期內就會散。不過要注意，療程後短期內避免飲酒，盡量避免食濃味食物，做適量運動，都對療程效果有幫助！ 非常期待3個月後嘅效果，到時再同大家分享修身成果！
冷凍溶脂療程可特別針對7大難減部位，包括手臂、腰腹、大腿內外側、副乳、上背、膝蓋上方及臀部下方贅肉等位置。有興趣嘅朋友可以到Gratus登記做會員，以後用App就可以登記預約做Inbody免費健康分析，了解自己邊個部位有需要定位修形，同時享有唔同產品及療程優惠。
是次小分享完畢，有興趣可按 麵語錄食玩遊記 by Aminn 或 C家重地 Be a Asterholic 其他分享 :)
Aminn | Beauty．Food．Fun．Parenting．Trendy｜
麵語錄食玩遊記 by Aminn (Lifestyle) www.facebook.com/m.for.aminn www.instagram.com/starzaminn
C家重地 (Parenting) www.facebook.com/sy.lam.family
任何合作請接洽：aminn613@gmail.com
