揀宅揀擇之住邊一區好？

香港18區，邊一區先最好住？每個人心目中嘅答案都唔一樣。無論買樓定租樓，搵樓揀地區時可以由以下方向考慮：

1. 與工作地點距離

大多數打工仔都唔想每日返工上演大長征！住天水圍返柴灣？每個月為通勤就浪費咗至少60小時！搬屋係打工仔一次洗牌機會，不妨由工作地點計算出自己嘅宜居地！

2. 地區鄰近配套

鍾意玩樂多交際應酬嘅人，揀選油尖旺呢類交通方便同食肆娛樂場所集中嘅地方就最好不過；但如果你係鍾意返到屋企享受清靜時間嘅人，選擇新市鎮甚至係村屋鄉郊地方可能更適合。

3. 為子女將來，睇埋校網

住屋係個長遠計劃，好多人置業就係為築構自己嘅小家庭，如果同另一半有生育嘅打算，又想望子成龍，搵樓就要留意埋校網。坊間有所謂「四大校網」：#11（中西）、#12（灣仔）、#34（何文田）和#41（九龍城）。 

(文:homebb)