梁詠琪首任醫學美容代言 重現《嚦咕》經典場面

近月一連接拍兩部電影的Gigi梁詠琪，忙工作忙湊女之餘，還抽空拍攝年輕醫學美容品牌CLINICZ的代言廣告。首次擔任醫學美容代言人的Gigi表示，一直抗拒做醫學美容代言，一來怕痛，二來擔心業界信譽問題。

直至CLINICZ向她推介「水原共生療程」，不但無痛，更無創傷性，療程後可以即時化妝，效果顯著，經再三翻查CLINICZ的口碑後，便決定接受代言邀請。

「其實每個人都會老，最重要係識得保養，更何況今次廣告入面可以大過戲癮，我覺得好好玩。」原來廣告內，Gigi要重現主演的賀歲片《嚦咕嚦咕新年財》經典場口，但就由從前的新抱仔「升呢」成為野蠻奶奶，搞笑演繹打麻雀挑機3位「準新抱」－－有「紋」、「鬆」、「殘」、「乾」唔駛旨意入門，意指不讓她們成為「年輕門下」。

「由新抱仔變奶奶原來仲好玩，最緊要大家睇得開心，我又可以搞笑發揮演技，其實我平時真係唔打麻雀，當日埋位拍攝，連邊個方向摸牌都唔記得，要在場工作人員教我，好在拍咗陣，開始有番啲記憶，總算拍得似模似樣，哈哈！」Gigi笑著說。

廣告片尾，Gigi大放「彩蛋」，挑戰高難度急口令，像財經節目主播讀免責聲明般，Gigi在10秒內讀出八十多個字，呼籲愛美人士前來CLINICZ尋求年輕醫學美容專家意見。為免NG，埋位前Gigi努力背誦，最終1 Take 過完成大考驗。

「我網上都有睇過財經主播條片，15秒讀出139個字，真係好犀利，因為要專注咬字、發音、速度，我重複再重複試咗好多次先敢埋位，最後成功10秒讀晒冇錯，大家都開心到拍晒手掌好興奮。」Gigi說。

提到工作，2018年快將過去，Gigi除了連續拍攝兩部新戲，年底還要為《八個女人一台戲》到國內及馬拉做宣傳，但無論再忙，Gigi都會抽時間上CLINICZ接受「水原共生療程」，讓肌膚保持最佳狀態。

Gigi說：「今年真係過得好充實，年頭有賀歲片《女兒國》，接住開20周年演唱會，同埋幫老公打理童裝生意，下半年忙拍戲又要飛外地做電影宣傳，但電影公司好好，聖誕節俾我哋《八個女人》班演員放假休息吓，可以同囡囡過節，如果唔係，我呢個媽咪又會收到投訴。」