Zpecial將音樂帶出香港 首辦《未知之旅》巡演

Zpecial樂隊於本年7月28日推出成軍九年第一張專輯，並於同日在HKDI舉行《The Impulse To Travel》新碟發佈會，越300樂迷朋友到場打氣，場面熱鬧！當晚祝捷會上，主音康聰除咗多謝大家捧場之外，更表示：「希望將來可以將我哋嘅音樂帶到去更多地方，讓更多樂迷認識我哋嘅音樂。」話語一出，世估唔到事隔不足三個月，便獲得主辦單位「音樂文化集團」 及「SingularDTV」 嘅支持，首辦兩場東廣之旅。

一連兩場Zpecial《未知之旅》廣州站 及 東莞站 分別於10月中旬順利完成，音樂會巡演反應熱烈，吸引了整個金沙洲地區樂迷關注。兩場巡演分別於「半月灣音樂酒館」及全國最大連鎖式音樂酒館「胡桃里」舉行，兩場均坐無虛席，很多歌迷一早就到現場守候，場館滿滿人群熱鬧非常。另外，Zpecial兩場巡演更吸引大批記者到場支持，如新浪網、騰訊、東莞厚街電視台等紛紛前來採訪及拍攝。

當晚Zpecial除咗演繹自己首張專輯作品外，期間還同觀眾大玩互動遊戲，音主更兩度落台同樂迷打成一片，與歌迷合唱部份更撕起全晚音樂會高潮，為廣州及東莞粉絲創造了最難忘的一個夜晚。

音樂會完成，問及樂隊此行最難忘的經歷，結他人Mike表示：「我哋都係第一次返大陸演出，初時會擔心入場人數，終於我哋都係一隊好新嘅樂隊，但估唔到兩晚到爆場，而且樂迷及觀眾都十分熱情。」康聰續說：「第一次收到樂迷送花，感到喜出望外。」

鼓手煒賢就覺得國內朋友十分熱情，樂迷反應一絕，令佢都玩得好high！而Tatming則表示，希望將來有更多機會去到不同地方演出，將我哋嘅音樂傳得更遠。完成呢兩場巡演後，回港將會開絡籌備我哋第二張專輯，到時希望為樂迷帶來更加新驚喜，大家就要留意住啦！