王梓軒感激龔慈恩推薦愛女 林愷鈴首拍MV 大騷演技

王梓軒（Jonathan）近日推出新歌《寄居太虛》，更邀請龔慈恩愛女林愷鈴（Ashley）擔任MV女主角飾演聾人， Jonathan大讚對方專業，有藝術氣質：「其實Ashley真係好適合我心目中個女主角型像，我地需要一個外表係弱質纖纖、但內心係好強的女主角，之後我地先知佢對中提琴係幾有信心，所以就邀請佢飾演一個殘障的音樂家喇。」

王梓軒笑拍早前與龔慈恩合作時，對方向自己「推銷」女兒優點：「唔好誤會呀，龔姐係話佢有個女對藝術好有興趣，希望未來有機會就音樂上夾一夾。Ashley真係好有家教，又知書識禮，我地從雜誌睇到佢訪問，真係好叻女，所以邀請佢做我MV女主角！」

林愷鈴為投入角色，專程向聾人學習手語：「原來真係好難，手語係要配合埋表情先有完整意思，我好開心透過今次MV對呢方面有所認識。媽咪都有同梓軒合作過，佢讚Jonathan 好乖仔好有才華，係一個藝人的榜，要我好好學習。」