林欣彤減磅為演唱會準備 演唱會門票 10月8日優先訂購

林欣彤（Mag）今年年尾 12月21日於九展Star Hall舉行首個個人售票音樂會，為了迎接這等了八年的機會，Mag早於半年前已開始積極備戰，除了注意飲食少吃煎炸食物，更積極做運動，包括瑜珈、跑步及游水，務求以最佳狀態迎接這個紀念性時候。

經過一連串積極修身，Mag最終成功減掉十磅，月前更挺著22吋纖腰拍攝演唱會海報，狀態大弗。為了讓Mag的造型更見度身訂造，造型師專誠搜羅全城至潮至新的粉紅色衣服及配件，Mag謂：「熟悉我嘅朋友同鍾意我嘅人，都唔難發現我係粉紅色控，無論袋、化妝袋、襪、屋企啲傢俬啦，好多好多都係粉紅色。呢個造型啲相出咗嚟之後，好多朋友都讚話好『林欣彤』。」

Mag又笑謂團隊為了表達出其對音樂的熱情，刻意為其打造「Wild亂髮Look」，雖然出來的照片「型格十足」，但製作過程卻是笑料百出：「因為要好勁嘅風吹過嚟先營造到嗰種Wild嘅效果，所以我嗰日食風食咗足足八個鐘，唔單止影到頭痛。又因為啲風力好難控制，好多相都淨係見到一堆亂髮，又或者啲五官走晒樣咁，啲工作人員已經keep起好多核突相話要用嚟威脅我，好搞笑。」

談到演唱會主題 “What if”，Mag則回復感性地表示：「成日聽見唔同嘅人問我，如果林欣彤唔係咁咁咁，可能發展得更加好。但其實我好少咁諗，因為我一直深信，所有曾經作出嘅決定同發生咗嘅事，都必然有佢嘅意義同成就。每一個選擇都會有取有捨，每一個經歷都會有得有失，一切都係睇自己點睇所經歷同選擇嘅一切。我感激我經歷嘅一切，因為咁先有依家嘅我。」為了讓演唱會海報主題更突顯「愛」，Mag專誠度了「Feel the rain、Transforming、Love and forgiveness、Embrace your weakness、Free your soul及Here we are」等「愛的字句」，從而向樂迷傳達正能量信息。

演唱會門票10月8號起可於HOTDOG.TIX優先訂購。