甘做小朋友師妹學劍道 莊思敏豪穿過百萬劍館水晶衫

藝人莊思敏（Jacquline）為拍攝堪輿學家李居明電影《發達天下》，繼早前到杜拜拍攝後，近日再次衝出香港，去到日本取景。

難得到日本，除了飲飲食食外，Jacquline說最難忘是首次到道場學劍道：「道場係日本一種文化，我好欣賞佢哋，因為對日本人嚟講，劍道除咗係運動之外，更是係一種精神。我哋去嘅道場已經有100年歷史，係家族傳落嚟，道場上任主管本來係警察，所以有好多警察嚟上堂，仲有好多小朋友添，佢哋全部都係我嘅師兄師姐！」

除了學習日本劍道精神，Jacquline今次仲一嘗著道場水晶衫、真係過足癮！「我著住鑲滿水晶嘅白色衫，之前試過拍賣超過100萬，但最後主人唔捨得賣，可以話係道場嘅家傳之寶！」