星巴克咖啡飲品一向都多花臣，而且係美國個邊，仲不時會推出試驗性飲品，去試下市場水溫。而最近佢地就係美國幾間店面，測試一款稱為Dark Barrel Latte嘅新飲品，目標係試下顧客對黑啤味嘅Latte有咩反應。

而據星巴克表示，Dark Barrel Latte口感，會比較接近黑啤，但就係由Expresso、黑焦糖及糖漿混合而成，絕無任何酒精成份。不過顧客反應就真係好兩極：有人話飲落根本就係熱黑啤一樣難飲，但又有人覺得新口味幾有趣。總之最後結果係點，就要睇下過多幾個月，香港星巴克會唔會有個Special餐牌咪知囉。