雷晴雯狂操芭蕾減肥跳到內爆甲 痛死不請假「女漢子」當之無愧

早前香港天氣跌到只得幾度，不少女藝人敵不過嚴寒，為保暖一於食咗至算，本屬「紙片人」一族的藝人雷晴雯 Winnie 亦不能倖免，聖誕加兩個年假足足胖了近十磅，嚇得 Winnie 狂操芭蕾積極減肥，豈料勤力過龍，昨日在臉書上載受傷照片，並留言：「舞者的大惡夢！跳到內爆甲！」配上多個表情符號，真係睇見都痛！

問Winnie使唔使搏成咁Winnie卻笑說：「跳得芭蕾就預咗唔會有對『好腳』，所以已經將指甲剪到有咁貼得咁貼，只係無諗過咁都仲可以跳到爆甲，仲要係內爆，連芭蕾舞團嘅資深舞者好友都話咁爆真係無得救，只能等佢自己慢慢好，宜家就算唔著鞋都勁痛。」

但Winnie亦坦言要是怕痛她就不會堅持一直跳，更轉載林志穎於臉書寫下的人生格言：「生活要追求四度空間：寬度、深度、熱度、速度；工作要形成五動個性：主動、行動、生動、帶動、感動；人生須明確一個觀念：只有縮短成功的日月，才能延長享受的時間！」給予自己鼓勵，並揚言：「成功需苦幹！世上沒有不勞而獲的事，沒有恆心吃不了苦更必一事無成！雖然爆腳指甲真的非常痛，但真心覺得一切都是值得的！」

個性硬淨倔強的Winnie更表明就算忍痛都唔會請假：「大不了扎實受傷指甲才上課！既然我的朋友受傷時都做得到，我實在找不到任何退縮的理由，反正習慣了就好！」Winnie一直自嘲自己是死過翻生的「女漢子」，事實證明確實毅力驚人，「女漢子」之名果真當之無愧。