秦芷瑤、丘雅雯返亞視團拜逗大利是

大年初八，藝人秦芷瑤丘雅雯就返左亞洲電視參與新春團拜！今日有大老闆吳雨大哥同埋鄧生帶領著一班藝員同事一齊拜年！除左有丘雅雯和秦芷瑤仲有藝人朱慧敏、向海嵐、李志剛、陳雅詩、車車等等，人才鼎盛！個個都着晒拜年服裝，醒目又醒神啊！秦芷瑤和丘雅雯祝各位新春大吉，恭喜恭喜！

首先有拜神儀式，再有舞獅點晴，切過燒豬個個開工大吉！

新春團拜又點少得財神爺呢！

最開心梗係有大老闆「鄧總」鄧俊杰派利是啦！

丘雅雯和秦芷瑤仲話要圍住桃花順時針轉3個圈，希望桃花旺盛，事業愛情兩得意喎！

一眾藝員朋友都玩得好開心，互相道賀！