黃建東廣州拍戲入女廁玩偷拍

憑惡搞港版 PPAP而成功彈出的「新一代扮嘢王」無綫藝人黃建東 (東東) 扮鬼扮馬的搞笑形象深入民心，最近更獲內地網絡電影《半島奇兵》邀演，特別度身訂造一人分飾多角：「今次個角色叫比利，編劇的意思是要我像《24個比利》般跳出跳入個戲飾演不同人物，包括有類似《飢餓遊戲》一頭銀髪銀眉的浮誇主持人，以及要走入女廁玩偷拍的偷影男等，要不停換妝和變造型。」東東話入廁所做偷影男好刺激，幸好導演最後決定入男廁拍扮女廁，否則笑言可能隨時會被檢控。

另外他上廣州拍戲那幾天剛巧是香港最冷的那幾天：「廣州比香港仲低幾度，正式拍攝時除羽絨褸凍到牙關係咁震，所以黏咗接近20個暖貼先頂得順。」

由於身在廣州拍戲，東東獲邀到廣東省電台皇牌節目《天生快活人》受訪：「聽講好多天王巨星都上過嚟做訪問，所以今次好榮幸可以上呢個人氣節目。現場主持人仲要我即場爆秘密，問我當年參選港男有冇敲過邊個嘅房門先攞到獎？」搞笑嘅東東轉數相當快，笑言自己參選時只是敲過阿媽個房門，因為成日要麻煩佢烚菜同烚雞胸肉減肥。另外，他應主持們要求演唱 PPAP愛心版，因為東東的Pork Lego guy版在廣東省非常受歡迎，獻唱時現場觀眾即刻多了一倍仲拍晒手掌，搞到佢好鬼開心。