兩個人拍拖嘅時候都一定會留低甜蜜而美好嘅回憶，當中亦會送對方唔同嘅禮物。但分手之後，或者睇返呢啲充滿回憶嘅物件時就會勾起內心嘅痛苦，咁呢個時候到底應該點樣處理呢？
如果你都有呢個煩惱（不幸地），就參考吓以下5種處理方式啦！
1. 馬上丟棄
為避免觸景傷情，每次望到呢啲物件時都勾起滿滿嘅回憶，最直接了當嘅做法就係扔晒佢哋。
2. 物歸原主
將物件還返畀對方，當係關係嘅了結，和平地結束都係個唔錯嘅選擇。
3. 送畀親戚朋友
如果覺得將啲嘢扔落垃圾桶好浪費嘅話，不如借花敬佛送畀親戚朋友，唔怕浪費之餘又可以唔使再面對呢啲禮物。
4. 繼續保留
其實假如你覺得無問題嘅話，大可以繼續保存呢啲禮物，連同回憶嘅美好都一一封存，唔一定要丟棄先係撇脫，你可以唔帶有任何情緒繼續面對先係真正嘅放下。但假如有新對象，就要留意會唔會令對方有hard feeling喇。
5..交由親人或好友決定
想扔掉但又唔忍心，唔知點樣處理好？不妨將佢哋交畀親人或者好朋友決定，但一交咗畀佢哋，就千奇唔好干涉佢哋要點處理啊！
（圖片來源：tumblr）
