講到人生必定要睇嘅奇景,相信極光一定會係唔少人嘅心水。但要追尋極光,地點、時間都同樣重要,缺一不可。所以以下就為大家介紹一下觀賞極光嘅好地方同理想時機啦!

10. 蘇格蘭

蘇格蘭的阿伯丁、天空島以及北部高地係最適合睇極光嘅地點。3個地方中最推介北面嘅高地,因為除咗極光之外,仲有鬼斧神工嘅峽谷景致!

9. 格陵蘭

格陵蘭全國都位於北極圈之內,每年更有300日以上係屬於天氣好嘅日子,幾乎全國都可以睇到極光!

8. 丹麥

丹麥欣賞極光嘅最佳時間係每年嘅8月至第年嘅4月,而當中嘅法羅群島就係欣賞極光的好地方。

7. 瑞典

瑞典係北歐五國之一,但相比其他地方就無咁受人追捧,所以機票住宿都無咁貴。當中嘅阿比斯庫小鎮就係睇極光嘅熱門地點。除咗睇極光之外,滑雪等雪地活動都不容錯過!

6. 阿拉斯加

如果想喺阿拉斯加睇北極光,就要揀日照時間較長嘅月份,亦即係每年嘅3月至10月。其中Fairbanks就係最多人慕名去睇極光嘅地點。

5. 挪威

怕凍但又想睇極光嘅朋友一定唔可以錯過挪威!因為挪威嘅Tromso小鎮會有暖流經過,所以係可以觀賞極光而氣溫最高嘅地方!

4. 加拿大

官方指Yellowknife喺一年裡面有250日都可以睇到極光,可以話係睇極光成功率最高嘅地方!遊客大部份都可以喺3日內睇到極光,所以無乜時間、機會,但又好想好想睇極光嘅朋友就可以揀呢度喇。

3. 芬蘭

芬蘭最出名嘅就當然係聖誕老人村啦,當中嘅Lapland位處北極圈內,更佔芬蘭3份之1嘅領土!

2. 俄羅斯

Murmansk被稱為「北極圈中嘅首都」,因為呢個係全球最北、最大嘅城市。一年中更有100日係永遠嘅黑夜,等你全天候都可以捕實極光!

1. 冰島

理論上,整個冰島都可以睇到極光,但礙於冰島天氣不穩,陰雨天嘅情況相當常見,所以睇極光都唔係件易事。但假如你有幸睇到極光之餘,仲係喺冰島奇景中嘅冰河湖睇到,極光加上湖面嘅反射嘅絕色美景,絕對永世難忘!

(圖片來源:tumblr)