Beautiful People係全球知名嘅丹麥交友網站，但想加入就絕對唔係咁容易嘅事。
事關為確保會員質素，有興趣加入嘅人都需要經由網站嘅會員長投票審批，只有被認為外表夠靚嘅先有資格做會員，Beautiful People方面更標榜堅決拒絕相貌平庸嘅人加入，做法相當現實。
最殘酷嘅係，網站更公佈審核會員資格嘅調查結果。結果發現，最醜樣嘅男女都由英國人當選，因為平均只有12%男性以及15%女性成功註冊做會員，比率係全球最低！
而俊男美女比例最高嘅地方就分別係瑞典同挪威，成功申請成為會員嘅瑞典男性比率高達65%，而挪威女性更有76%。同英國只得百分之十幾嘅慘烈戰果比較，差距真係太大……
雖然網站擺明歧視長相唔夠靚嘅平凡人，但正因為佢嘅審核嚴格，所以相當受單身人士歡迎，而且配對率仲非常高，自認為係鑽石王老五或靚絕全球嘅朋友不妨一試！
（圖片來源：tumblr）
