因為學業或工作嘅忙碌，大家有無發覺自己忽略咗生活中有好多日常小細節呢？其實就算幾忙都好，都要保持對世界或社會求知嘅心，如果唔係就會對現有生活感到麻木、失去自我，感覺會好難受。
你以為理想當然嘅物品其實都有佢哋意想不到嘅作用，想重新探索生活中嘅小趣味，不妨由了解以下物品嘅用途開始！
1.Converse鞋上嘅小窿
Converse內側嘅兩個窿仔到底有咩用呢？小編以前都覺得只係裝飾或者令對鞋更透氣，原來佢真正嘅作用係穿鞋帶。據講鞋帶穿過呢兩個窿後，整對鞋會更貼合足弓，咁就好著好多！
2.Pizza中間嘅白色小圓盤
每次一打開pizza都會隨手扔手嘅小圓盤，大家有無諗過佢原來係大有作用！外賣熱辣辣嘅pizza需時，而叫做Pizza Saver嘅白色圓盤就可以避免外賣盒因為熱氣凹陷，可以保持盒內有足夠嘅空間透風。
3.漢堡扒下墊住嘅意粉
原來下面嘅意粉原意係用嚟固定漢堡扒同吸油，咁食埋落肚嘅話……咪成肚都係油囉？
4.坐墊四角嘅流蘇
以為只係裝飾？非也。原來實際上係用嚟固定坐墊裡面嘅棉花，預防佢變形或者喺4隻角度標出嚟。
5.西裝附帶嘅一小塊布
除咗一小塊布之外，西裝內仲會附有多一兩粒鈕，作用就係當你唔小心整穿咗件褸或甩咗粒鈕嘅時候，都仲有原色布同鈕扣可以補返。
6.背囊上嘅豬鼻
豬鼻背囊喺小編中學嘅時候非常流行，但原來豬鼻唔係想像中嘅設計或標誌咁簡單，佢嘅實際用途原來係畀人掛起行山嘅用具，例如係登山杖。
（圖片來源：tumblr、curazy）
