娛樂圈中有不少藝人都是愛貓愛狗之人，衛詩雅（Michelle）便是其中一位，Michelle家中有3狗3貓，全部都是她的心頭肉，要她做「剷屎官」都絕無怨言。Michelle於快將上映的電影《喵星人》中，也是與喵星人犀犀利做對手戲，跟貓已生活多年的她，愛心爆棚當正犀犀利是真貓，對牠照顧有嘉，演出亦自然得心應手。早前Michelle應TVB娛樂新聞台邀請到海洋公園，擔任一天動物護理員，負責照顧一大班企鵝，讓她一圓兒時夢想。
他夢寐以求的說：「我細個嘅夢想係做海豚訓練員，以前睇企鵝同海豚表演，我都會舉手要上台同佢哋近距離接觸，但次次都揀唔中我，今次終於有機會俾我一嘗所願，如果唔使拍戲，我都想繼續嚟做，我喜歡呢份工作。」
雖然有多年照顧動物經驗，但今次面對的是珍貴的企鵝，Michelle表現得興奮又緊張，未正式進入企鵝館前，已非常專心地聆聽全職護理員的講解，學習不同的企鵝品種與生活習性，「我覺得自己好似變返小學生。」
這次Michelle要為企鵝製作鮮魚食物，亦有機會親身接觸企鵝BB及餵飽數十隻企鵝，最大難度是一切都要在10度之下進行，「全個館都要遷就返企鵝覺得舒服嘅溫度，所以一入到去已經要著保暖衣，但我估唔到愈入愈凍，最尾啲工作人員要俾多件衫我著先得，真係凍到打冷震。」準備了半日，最後Michelle拿著一大桶食物來到企鵝們面前，隻隻企鵝都追住要她餵，食飽又立即跳落水展示泳術，令她眼界大開。「今日真係長知識，其實我咩動物都鍾意，海豚、長頸鹿都鍾意，希望嚟緊可以去泰國參與保育大象計劃，人同大象都可以學習點樣共處。」期待Michelle到時再同大家分享她的旅程。
