打火機：黃金俠

"金光閃閃多美麗"凡係有睇過黃金俠嘅動畫，都知呢首係80年代到依家都仲咁出名嘅打火機戰士黃金俠嘅歌詞之一。

黃金俠係1981年日本播出，一共52集。本身係由一隻小打火機而再變成一隻大黃金機械人。除咗主角黃金俠，另外仲有幾位黃金俠得力助手。

玩具本身當然80年代有發售過一共11隻黃金軍團。我本身就曾經有一隻合金黃金機械戰士，不過之後就唔知去咗邊．．．

後來得知香港鴻興有拉臣話有出黃金俠，當然第一時間入手，而買買下又收到消息bandai又話要出合金魂版同超合金復刻版，當然係超期待，特別係GX-32合金魂版，因為係合金魂版，所以主角機黃金俠當然外形靚仔咗好多，可以擺好多pose，雙腳可以A字型，而且bandai公司仲話合金機械人本身含有18k金。

但係合金魂版除咗出主角機黃金俠之外到目前為止bandai係冇出過其他黃金俠軍團，可能bandai認為其他唔係主角機驚唔賣得，所以亦都冇打算出埋其餘嘅黃金軍團, 呢個係其一嘅遺憾．．．．．．

另外超合金復刻版黃金俠就分兩合set 1同set 2：
Set 1 有六隻款包括：主角機黃金俠，金色版時間戰士，金色版偵測戰士，機械戰士，雷達戰士同地圖戰士。
Set 2 亦有六隻款包括：銀色版時間戰士，銀色版偵測戰士，散紙戰士，文具戰士，電筒戰士同量度戰士。

由於話明係復刻版所以係同懷舊果一set黃金軍團一模一樣，唔同嘅只係復刻版少咗一位印刷戰士，據講係因為印帶有問題所以bandai取消咗呢位印刷戰士，算係其二少少嘅遺憾。

咁多隻黃金俠之中，印象深刻就係鴻興嘅大黃金俠，差唔多12吋高，斤兩十足。


















































































































































多謝大家收睇,Thank you~