【影評】純雜碎《鬼魅時尚 Personal Shopper》

觀後：

我真係看不到電影的重點，只見私人時裝採購助理時而到大宅感應兄魂，時而又去品牌店替老闆選購服飾，時而又要應付電話騷擾，時而又偷穿老闆服飾扮上等人，而到臨尾都要牽涉一宗殺人命案……自問不介意雜碎情節，但起碼都要做到一點點的聯繫才能貫穿整套電影的結構，但這套竟然同我來一次毫無關聯的純雜碎，由通靈、職業、電話騷擾、操守到命案都全是各自各演繹，無關係都算，最慘係每一個不同的部份都不見得拍得好看，平淡得係比白開水還要淡，唯一係令我有少少醒神係最後一幕的顯靈片段，於光天化日下鬼魅現身都做到詭異氣氛，可能這一幕已是電影最可取的地方吧？

導演Olivier Assayas及演員Kristen Stewart是第二次合作，之前合作的Clouds Of Sils Maria我就相當喜歡，但輪到這套就失望得頗緊要……不過細看這兩套電影的人物角色設計，發現Kristen Stewart於這兩套電影所演的角色身份係好相似，其實只要修一修，可以是外傳故事。