唔少女人都想揾一個可以保護到佢、比佢安全感嘅男人,而男人又希望女人可以小鳥依人,等佢可以享受被依賴嘅成功感。

而呢樣所謂嘅「安全感」,相信都同兩人嘅身高有著微妙嘅關係。位於南韓首爾嘅建國大學就做咗一項長期調查,當中涉及7859位女性,希望分析夫妻身高嘅差距同妻子感覺幸福程度之間嘅關係。

結果發現,夫妻二人身高差距同妻子嘅幸福指數,兩者係成正比關係,但差距帶嚟嘅幸福感並唔係永恆,效果會隨時間消減,最後只可以持續到第18年。研究亦指身材高大嘅男性可以增強女性嘅生育能力,原因或者係女性覺得高大嘅男人身體更強壯,可以滿足到自己嘅需求。

但到底確實嘅原因係咩呢?研究人員都表示無確切嘅答案。

其實想一段婚姻或關係幸福,最緊要都係兩個人努力去了解同維繫,否則當外表或身高嘅吸引力都不再嘅時候,關係就只會結束。所以無論樣貌身高係點,大家都要努力啊!

(圖片來源:tumblr)