【宇宙減肥餐】鄧紫棋公開獨門減肥餐單 誓做Queen of Diet！

鄧紫棋（G.E.M.）最新一輪世界巡迴演唱會《Queen of Hearts 2017 World Tour》即將展開，今次巡唱大玩「紅心Q」元素，首張海報設計成紅色啤牌牌底，不少歌迷一直期待「翻牌」真面目。G.E.M.終於在千呼萬喚下，在最新一攝巡唱宣傳片中揭開「底牌」公佈第二款啤牌海報，有別於傳統「紅心Q」造型，G.E.M.化身成潮版「Queen of Hearts」，靠在巨形心心佈景上，大晒S形曲線。

飲紅豆水去水腫

在拍攝當日，G.E.M.換了多個造型，當中不乏騷「事業線」及小蠻腰的性感Look。為了以最Fit狀態示人，她在拍攝前幾天特意進行「極速去水腫計劃」：「我好清楚自己身體，如果要極速去水腫，食嘢就要連續幾日走鹽同埋飲紅豆水。但如果我有多啲時間，我都唔會去到咁極端，會食返少少鹽，主菜以菜、水果為主，配菜先係肉同飯。」

G.E.M.在拍攝現場亦不敢掉以輕心，只吃走鹽西蘭花及飲紅豆水充飢，公司亦相當細心，為工作人員安排了兩類小食，分別是車厘子、士多啤梨、三文治等健康食物，以及薯片蝦條等零食，任君選擇。

煲飲食節目止餓

除了在飲食上節制外，G.E.M.亦不時做運動保持身形，平均一星期做五天運動，最近更愛上玩「水中單車」：「喺水入面踩單車冇咁熱嘛，但因為係凍水，所以冬天都真係幾凍。而平時出Trip，我就鍾意着焗汗嘅運動衫去跑步，一路跑一路睇《Masterchef》（美國烹飪節目），睇完就冇咁想食嘢。」她又笑言平日也愛鑽研食譜，因為每當看到各款美食後，自己便會非常滿足，食慾也隨之大減。

對減肥素有研究的G.E.M.誓要做「Queen of Diet」，她坦言視減肥為終身目標，但有時候太大壓力反而愈減愈肥。但她笑稱整個巡唱裡，最重要的一刻是拍攝演唱會DVD當日：「拍Blu-ray要上鏡喎，當公司話畀我聽邊場要拍DVD，我就會開始減肥㗎啦。」