【床上戲】馬嘉均、鄭伊娜拍微電影 有家的感覺

馬嘉均及鄭伊娜日前拍攝微電影，二人戲中飾演夫婦默契十足，被工作人員嘲笑他們戲假情真。鄭伊娜表示第一次飾演母親角飾，幸好曾擔任兒童節目主持，應付小朋友得心應手：「我同馬仔做夫妻，仲拍床上戲，不過大家唔好心邪啊，係兩公婆喺床度傾下點教囡咋，冇親熱戲架！點知啲工作人員偷影我地，仲話我地幾襯，搞到氣氛不知幾尷尬！拍攝過程其實都好開心！突然有個畫面就有個「家」嘅感覺都幾溫馨，依家係單身，我要快啲揀個同我生BB先得」。

馬嘉均笑言被伊娜叫老公感覺很Sweet，而第一次做「爸爸級」的角色覺得有挑戰，幸好戲中女兒聽教聽話，不用NG太多次：「成日聽人講寵物同小朋友係片場大敵，好似今日呢個女兒都好叻，冇咩NG就收得工！戲入面有場要我鬧佢架，我怕太惡佢會嚇親！呢個妹妹戲外叫我做馬叔叔，真係唔知好嬲定好笑，可能我都開始到左叔叔呢個壇數要習慣吓！」。