【裝修風水學】老人房裝修要注意！遵守7大要點

（文：巨龍）

過去父母將最好嘅野留俾我地，現時我地有能力就應該將最好嘅帶俾佢地，無論係咪同佢地一齊住，如果條件允許，都應該為父母佈置一個健康、舒適嘅居住環境。以下裝修佬同大家分享長者裝修嘅風水注意事項，一齊去文。

1 環境要清靜 

老人房裝飾最注重係防噪音效果，裝修要求門窗、牆面隔音效果要好，由於老人一般體質較弱，對聲音較敏感，所有門窗同牆面一定要留意隔音，老年人鐘意清靜，對神經日漸衰弱嘅老人來講，係安靜嘅環境養神休息，有益身體健康。

2 顏色忌濃 

老人性情較沉穩，色彩方面唔好太強烈，應偏重樸素平和，帶D古香古色、傳統性嘅如乳白等顏色，符合佢地嘅懷舊心理。 

3 床位適當 

床鋪高低要適當，以便於老人家上落床方便拿取物品，以防稍有不慎跌傷，睡床最好用厚床褥，唔好用軟床，對於患有風濕、腰肌勞損、骨質增生嘅老人家來講，軟床反而對佢地嘅健康有損害。床上用品要選擇保暖性嘅，以全棉等天然材料為宜。 

4 傢俱要穩

為老人家選購傢俱時，以木質為佳，忌用鐵器金屬傢俱，應該少D棱角。由於佢地身體不便，櫥櫃不宜高過頭部，櫃桶不宜低於膝部，盡可能靠牆擺放，可以選擇同寫字枱高矮相當嘅傢俱，便於佢地起身時撐扶。係挑選呢D傢俱時要留意其穩定性，以免發生危險，玄關處放置細櫈，便於佢地坐住換鞋。 

5 燈光明亮 

老人家嘅居室要明亮，房間照明設備應該係可調節強弱度，以適應老人嘅不同需要。如老人家有視力障礙，為便於佢地夜晚起床如廁，可以係門口處裝節能燈，或走廊燈長開。 

6 考慮朝南睡房 

自古講究紫氣東來，所謂紫氣乃祥瑞之氣，即一清早，陽光照射入屋，祥瑞之氣進入，屋內明亮又溫暖，充滿朝氣，老人吸納陽光嘅吉氣同生氣，會更精神爽朗。而南面睡房暖風宜人，陽光充足，從風水學上來講，唔單止利於老人居住，亦有提升家庭整體運勢嘅效果。 

7 裝修整體上宜簡潔、素雅 

長者睡房唔好使用過多嘅金屬材料，因其帶有庚金之氣，裝飾不當會因此引發兇氣煞氣，佢地身體本來較弱，自然承受唔住兇氣傷害。宜多用健康、環保、污染小嘅材料，如原木、牆紙、防滑地磚或原木地板等，具體材料、色彩可根據老人命理五行所喜決定，令其氣場同老人身體氣場相吻合。設計風格亦不宜花巧隆重，宜簡樸為主，室內亦盡量少擺放傢俱電器。

（以上圖片均來自網路，如有任何版權問題，請與本站聯絡）